މިފްކޯގެ ސީއީއޯ/މެނޭޖިން ޑިރެކްޓަރުގެ މަގާމަށް ކުރިމަތިލާން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން މިއަދު ހުޅުވާލައިފި އެވެ.

އެތަނުން ނެރުނު އިއުލާނެއްގައި ބުނީ ސަރުކާރުގެ މަސް ކުންފުނީގެ އެންމެ އިސް މަގާމަށް މީހަކު ހޯދަން ހުޅުވައިލީ މަސްވެރިކަމުގެ ދާއިރާގެ ތަޖުރިބާ ހުރި ބޭރުގެ ފަރާތްތަކަށްވެސް ކުރިމަތިލެވޭ ގޮތަށް ކަމަށެވެ. އެހެންވެ ސީއީއޯ/އެމްޑީގެ މަގާމަށް ޝައުގުވެތިވާ ފަރާތްތަކަށް އެކްސްޕްރެޝަން އޮފް އިންޓަރެސްޓް (އީއައިއޯ) ހުށަހެޅުމުގެ ފުރުސަތު އަންނަ މަހުގެ 15 އާ ހަމައަށް ވަނީ ހުޅުވާލައިފަ އެވެ.

މިފްކޯގެ ސީއީއޯ/އެމްޑީގެ މަގާމުގައި އެންމެ ފަހުން ހުންނެވީ އަހުމަދު ސަމާހު ރަޝީދެވެ. އޭނަ އެ މަގާމުން ވަކިކޮށް، ފިޝަރީޒް މިނިސްޓްރީގެ ސްޓޭޓަކަށް އައްޔަންކުރީ މުިދިޔަ މަހުގެ ތެރޭގަ އެވެ.

Advertisement

މިފްކޯ އަކީ ސަރުކާރުގެ އެންމެ ބޮޑު ވިޔަފާރި ކުންފުނި، އެސްޓީއޯގެ ސަބްސިޑަރީއެކެވެ. އެ ކުންފުނި ވުޖޫދަށް އައީ ނޮވެމްބަރު 1، 1993 ގަ އެވެ

މިފްކޯ އަކީ ރާއްޖޭގެ މަސްވެރިކަމުގެ ސިނާއަތު މެނޭޖްކުރުމުގެ ޒިންމާމަތިކޮށްފައި އޮތް ކުންފުންޏަށްވި ނަމަވެސް މި ކުންފުނި ފާހަގަކުރެވިފައި ވަނީ މިހާތަނަށް މަސްވެރިކަމުގެ ދާއިރާ ކުރިއަރުވަން އެކަށީގެންވާ މަސައްކަތްތަކެއް ކުރެވިފައި ނެތް ކުންފުންޏެއްގެ ގޮތުގަ އެވެ. އަދި ކުންފުނީގެ ތެރޭގައި ބޮޑެތި މައްސަލަތަކެއް ހުރިކަން ގިނަ ބަޔަކު ފާހަގަކުރެ އެވެ. އެގޮތުން މިފްކޯ "ކޮރަޕްޝަނުގެ ހާއްޔެއް" ގެ ގޮތުގައި ގިނަ ބަޔަކު ސިފަކުރެ އެވެ.