ވެރިކަން ކުރާ ޕީއެންސީ އާއި އިދިކޮޅު އެމްޑީޕީގެ ޖަލްސާތަކެއް މިރޭ މާލޭގައި ބާއްވަން ތައްޔާރުވެއްޖެ އެވެ.

ރައީސް ޑރ. މުހައްމަދު މުއިއްޒު ވެސް ބައިވެރިވެވަޑައިގަންނަވާ ޕީއެންސގެ ޖަލްސާ އޮންނާނީ އެ ޕާޓީން ދާދި ފަހުން ހުޅުވި ހަރުގޭގަ އެވެ. އެ ޖަލްސާގައި ރައީސްގެ އިތުރުން ޕާޓީގެ އެހެން އިސްވެރިންނާއި މަޖިލީހުގެ މެންބަރުން ވެސް ބައިވެރިވެވަޑައިގަންނަވާނެ އެވެ.

އެމްޑީޕީން މިރޭ ޖަލްސާއެއް ބާއްވަނީ މި ސަރުކާރުން މިހާރު ކޮންމެ ކަމެއް ކުރީގެ ސަރުކާރާ އަޅުވާތީ "ކުރީ ސަރުކާރު…ކުރީ ސަރުކާރު" ގެ ނަމުގަ އެވެ. ޕާޓީގެ ލީޑަޝިޕުން ބައިވެރިވެވަޑައިގަންނަވާ ޖަލްސާ އޮންނާނީ ޗާންދަނީމަގުގެ ދަނޑިކޮށި ޖަގަހައިގަ އެވެ. ޖަލްސާ ފަށާނީ 9:00 ގަ އެވެ.

އެހެންވެ ވީހާ ވެސް ގިނަ މެންބަރުން ޖަލްސާގައި ބައިވެރިވާން އެމްޑީޕީން އެދިފައިވެ އެވެ.