ރައީސް ޑރ. މުހައްމަދު މުއިއްޒު ބައިވެރިވަޑައިގަންނަވާ ޕީއެންސީގެ ޖަލްސާއެއް މިރޭ ބާއްވަން ތައްޔާރުވާން ފަށައިފި އެވެ.

މި ޖަލްސާ އޮންނާނީ ދާދި ފަހުން ހުޅުވި އެ ޕާޓީގެ ހަރުގޭގަ އެވެ. ޖަލްސާ ފަށަން ހަމަޖެހިފައި ވަނީ 8:30 ގަ އެވެ.

ސަރުކާރު ހިންގާ، ޕީއެންސީން ބުނީ ޖަލްސާގައި ރައީސްގެ އިތުރުން މިނިސްޓަރުންނާއި ގިނަ އަދަދެއްގެ މަޖިލިސް މެންބަރުން ވެސް ބައިވެރިވެވަޑައިގަންނަވާނެ ކަމަށެވެ. އެހެންވެ ޕީއެންސީ އަށް ސަޕޯޓްކުރާ އެންމެންނަށް ވެސް ދައުވަތު އަރުވާ ކަމަށް އެ ޕާޓީން ބުންޏެވެ.

Advertisement

ޕީއެންސީގެ މައި ހަރުގެ މިދިޔަ މަހުގެ ތެރޭގައި ހުޅުވި ފަހުން މިހާރު އަންނަނީ ސިލްސިލާކޮށް ޖަލްސާތައް ބާއްވަމުންނެވެ. އެ ޕާޓީގެ ހަރުގެ ހަދާފައި ވަނީ ކުރިން ދަ ޑިމޮކްރެޓްސް އާއި އެމްޑީޕީގެ ވެސް ހަރުގެ ހިންގި ތަނުގަ އެވެ.