ރާއްޖެއިން ބޭރުގައި ކުރާ ކައިވެނި ރަޖިސްޓްރީ ކުރުން ލަސްކުރާނަމަ ޖޫރިމަނާ ކުރާނެކަމަށް ފެމިލީ ކޯޓުން ބުނެފިއެވެ.

ކައިވެނި ކުރި ގައުމުގައި ރާއްޖޭގެ ރަސްމީ އޮފީހެއް ހުރި ނަމަ ކައިވެނި ކުރިތާ ދެ މަސް ދުވަހުގެ ތެރޭގައި ރެޖިސްޓްރީ ކުރަން ހުށަހަޅަން ވާނެކަމަށާއި އެފަދަ އޮފީހެއް ނެތް ގައުމެއް ނަމަ ކައިވެނި ކުރާތާ ހަ މަސް ދުވަހުގެ ތެރޭގައި ރާއްޖޭގައި ރަޖިސްޓްރީ ކުރަން ކޯޓަށް ހުށަހަޅަން ވާނެ ކަމަށް އެ ކޯޓުން ބުނެއެވެ.

އަދި އެ މުއްދަތު ހަމަވާފަހުން ކައިވެނި ރަޖިސްޓްރީކޮށްދޭނެ ކަމަށާއި ނަމަވެސް 1000ރ. އިން ޖޫރިމަނާ ކުރާނެ ކަމަށް އެ ކޯޓުން ބުނެއެވެ.

Advertisement

މީގެ އިތުރުން އެ ކޯޓުން ބުނީ ރާއްޖެއިން ބޭރުގައި ކުރާ ކައިވެނި ރަޖިސްޓްރީކުރުމަށް ކަނޑައެޅިފައިވާ ލިޔެކިޔުންތަކާއެކު ކޯޓަށް ހުށަހެޅުމުން 3 ދުވަހާއި 7 ދުވަހުގެ ތެރޭގައި އެ ކައިވެނި ރަޖިސްޓްރީކޮށްދޭނެކަމަށެވެ.