މާލެ ސަރަޙައްދުގައި މުދާ އުފުލާ ގަޑިތަކަށާއި ކުނި އުފުލާ ގަޑިތަކަށް ބަދަލު ގެނައުމަށް ސަރުކާރުން ނިންމަވައިފިއެވެ.

"މާލެފަހި" މަޝްރޫޢުގެ ދަށުން މި ބަދަލު ގެނައުމަށް ސަރުކާރުން ނިންމަވާފައިވަނީ އަންނަ މަހުގެ ފުރަތަމަ ދުވަހުން ފެށިގެންނެވެ.

މުދާ އުފުލާ ވަކި ގަޑިތަކެއް ނެތުމުގެ ސަބަބުން ސްކޫލް އަދި އޮފީސްތަކަށް މީހުންދާ ގަޑިތަކުގައި މަގުތައް ބަންދުވެ ގިނަ ފަރާތްތަކަކަށް އޭގެ ތަކުލީފުތައް ކުރިމަތިވެއެވެ.

Advertisement

ކަނޑައެޅޭ ވަކި ސައިޒެއްގެ އުޅަނދުތައް ބޭނުންކޮށްގެން މުދާ އުފުލުން ރޭގަނޑު 8 އިން ފަތިހު 5 އަށް ބަދަލުކުރުމަށްވަނީ ނިންމާފައެވެ.

މާލެ ސަރަޙައްދުގައި ކުނި ނަގާ އުޞޫލަށް ބަދަލު ގެނެސް ކޮންމެ ރެއެއްގެ 10 އަކުން ފަތިހު 5 އަށް ބަދަލުކުރުމަށް ސަރުކާރުން މިހާރުވަނީ ނިންމާފައެވެ. މި މަސައްކަތް ކުރުމަށް ހަމަޖެހިފައިވަނީ މޫސުމީ ބަދަލުތަކާއި ތިމާވެއްޓާއި ޙަކަތައާއި ބެހޭ ވުޒާރާގެ ބެލުމުގެ ދަށުންނެވެ.