ދިވެހި ފިލްމު "ކަމަނާ" މިރޭ އޮލިމްޕަހުގައި ޕްރީމިއާ ކުރަން ތައްޔާރުވެއްޖެ އެވެ.

މިއީ ޕްރޮޑިއުސަރު އަލީ ޝާނީޒްގެ ސެޓާން ސްޓޫޑިއޯ އާއި ފިލްމުގެ ޑައިރެކްޓަރު ހުސައިން މުނައްވަރު (ކިޑް) ގެ ކިޑް ޕްރޮޑަކްޝަން ގުޅިގެން ގެނެސްދޭ ފިލްމެކެވެ.

މަހުދީ އަހުމަދުގެ ސްކްރީންޕްލޭއަކަށް ކިޑް ޑައިރެކްޓްކުރި "ކަމަނާ" އަކީ އޭނަގެ ހަތަރު ވަނަ ފީޗާ ފިލްމެވެ. އަދި މަހުދީގެ ސްކްރީންޕްލޭއަކަށް ހެދި ކިޑްގެ ތިން ވަނަ ފިލްމެވެ. އޭނަ ކުރިން ގެނެސްދިން ފިލްމުތަކަކީ "ސަޒާ"، "ދިލަކަނި" އަދި "ނޭނގި ޔާރު ވަކިވީ" އެވެ.

Advertisement

މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "ކަމަނާ" އަކީ ގެވެށިއަނިޔާގެ ހަގީގީ ހާދިސާތަކެއްގެ މައްޗަށް ހަދާފައިވާ ފިލްމެކެވެ. މީގެ ލީޑް ތަރިންނަކީ މަރިޔަމް އައްޒަ އާއި ޔޫސުޗް ޝަފީއު (ޔޫއްޕެ) ގެ އިތުރުން އައިމިނަތު ރަޝްފާ (އާޝާ) އެވެ.

"ކަމަނާ" އަކީ މި އަހަރު އޮލިމްޕަހުގައި އަޅުވާ 7 ވަނަ ފިލްމެވެ. އެންމެ ފަހުން ދެއްކީ ޔޫއްޕެ ޑައިރެކްޓްކޮށް، ކުޅުނު ލޯބީގެ ބިރުވެރި ފިލްމު "ސާޔާ" އެވެ.