ބޭންކް އޮފް މޯލްޑިވްސް ބޯޑަށް އަލަށް މެންބަރުން އައްޔަން ކުރުމަށް ޚާއްސަ އާންމު ޖަލްސާއެއް އަންނަ މަހު ބާއްވާނެ ކަމަށް އެބޭންކުން ހާމަކޮށްފިއެވެ.

ބީއެމްއެލްއިން ބުނީ ޚާއްސަ އާންމު ޖަލްސާ ބާއްވަނީ މާލީ ވުޒާރާއިން އެކަމަށް މިދިޔަ އޮގަސްޓު މަހުގެ 24ގައި އެދިފައި އޮތުމުން ކަމަށެވެ. މިޖަލްސާ އޮންނާނީ އަންނަ މަހު 21 ގައެވެ. އަދި އެ ޖަލްސާގައި ބޭންކުން ހުސްވެފައިވާ ޑިރެކްޓަރުންގެ މަގާމަށް ބޭފުޅުން އައްޔަން ކުރާނެއެވެ.

މިޖަލްސާގައި ބައިވެރިވެވޭނީ 10 ސެޕްޓެންބަރު 2024 ވާ އަންގާރަ ދުވަހުގެ ނިޔަލަށް ބޭންކުގެ ހިއްސާދާރުންގެ ދަފްތަރުގައި ރަޖިސްޓަރީ ކޮށްފައިވާ ހިއްސާދާރުންނަށެވެ. އޮންލައިންކޮށް ބާއްވާ މިޖަލްސާގައި ވޯޓުލުން ކުރިއަށް ގެންދާނީ "ފަހިވޯޓް" މެދުވެރިކޮށް ކަމަށާއި، ރަޖިސްޓްރީ ކުރާ ހިއްސާދާރުންނަށް "ފަހިވޯޓް"ގެ ލޮގިން ތަފްސީލު އަރުވާނެކަމަށް ބޭންކުން ބުނެއެވެ.

Advertisement