މީހުން ދިރިނޫޅެވޭވަރަށް ބާވެ، ވެއްޓެން ކައިރިވެފައި ހުރި މ.ރަބީއުވިލާ ތަޅާލުމުގެ މަސައްކަތް ނިންމާލައިފިއެވެ.

ރަބީއުވިލާ ތަޅާލުމުގެ މަސައްކަތް، ސިޓީތަކާއި އިދާރީ ދާއިރާތަކާއި އާންމު ޚިދުމަތްތަކާ ބެހޭ ވުޒާރާއިން ކުރައްވާފައިވަނީ، ގޭގެ ވެރިފަރާތުގެ އެދުމުގެ މަތިން ރައީސުލްޖުމްހޫރިއްޔާގެ އިސްނެންގެވުމާއެކުއެވެ.

6 ފަންގިފިލާއަށް އުވައިން ހަދާފައި ހުރި މި ގެ ތަޅާލުމުގެ މަސައްކަތް ސިޓީތަކާއި އިދާރީ ދާއިރާތައް ހިންގުމާއި ބެހޭ ވުޒާރާ އިސްވެ އޮވެ ފެއްޓެވީ މިމަހުގެ 17 ވަނަ ދުވަހުއެވެ.

Advertisement

ރަބީއުވިލާ ތަޅާލުމުގެ މަސައްކަތް ނިންމާލާފައިވާއިރު، މިހާރު ކުރިއަށްދަނީ އެ ބިން ސާފު ކުރުމުގެ މަސައްކަތެވެ. އެގެ ތަޅާލުމުގެ މަސައްކަތް ކުރިއަށް ގެންދިޔައީ މަގު ބަންދުކޮށްގެންނެވެ. މިމަގު އުޅަނދުތަކަށް ދަތުރުކުރެވޭ ގޮތަށް މިރޭ ހުޅުވާލެވޭނެ ކަމަށް އިދާރީ ދާއިރާތަކާއި އާންމު ޚިދުމަތްތަކާ ބެހޭ ވުޒާރާއިން ވިދާޅުވެއެވެ.