ދިވެހިބަހުގެ އެކަޑަމީއިން ކޮންމެ އަހަރަކު ބާއްވަމުން އަންނަ "ފެންޑާ މައުރަޒު" މިއަދު ފަށައިފިއެވެ.

މި މައުރަޒު ބޭއްވެނީ 2024 ސެޕްޓެންބަރު މަހުގެ 1 އަދި 2 ވަނަ ދުވަހު، ހެނދުނު 10:00 އިން ހަވީރު 5:00 އަށް، ދިވެހިބަހުގެ އެކެޑަމީގައެވެ.

މި މައުރަޒުގައި ދިވެހިބަހުގެ އެކެޑަމީގެ ފޮތް ފިހާރައިން ލިބެން ހުންނަ ކުޑަކުދިންނާ ގުޅޭ ފޮތްތަކާއި، ތާރީޚީ ފޮތްތަކާއި، ބަހާއި އަދަބިއްޔާތުގެ ފޮތްތަކާއި ވާހަކައާއި ނާވިލު ލިބެން ހުންނާނެއެވެ.

Advertisement

އަދި މީގެ އިތުރުން، ދިވެހިރާއްޖޭގެ ރަސްރަސްކަލުންނާއި ރަނިރަނިކަނބަލުންގެ ގިނަ މަޢުލޫމާތުތަކެއް ހިމެނޭ "ދިވެހިރާއްޖޭ ރަހުންނާއި ރަނިން" މި ފޮތް ދިވެހި ބަހުންނާއި އިނގިރޭސި ބަހުން ލިބެން ހުންނާނެއެވެ.

މި އަހަރުގެ މައުރަޒުގައި ވެސް ދިވެހިބަހުގެ އެކެޑަމީގެ ފޮތްތަކުގެ އިތުރުން ބައެއް އަމިއްލަ ފަރާތްތަކުގެ ފޮތްތައް ވެސް ލިބެން ހުންނާނެކަމަށް އެކެޑަމީން މަޢުލޫމާތު ދެއެވެ.

މި މައުރަޒަކީ ދިވެހި ބަހާއި އަދަބިއްޔާތަށް ޝައުޤުވެރިވާ ފަރާތްތަކަށް ވަރަށް މުހިންމު ފުރުޞަތެކެވެ. އަދި ދިވެހި ބަހާއި ސަގާފަތް ކުރިއެރުވުމަށް ދިވެހިބަހުގެ އެކެޑަމީން ކުރަމުންދާ މަސައްކަތުގެ ބައެއްގެ ގޮތުގައި މި މައުރަޒު ފާހަގަކުރެވެއެވެ.