މޯލްޑިވްސް ޕޯސްޓް ލިމިޑެޓުން މާލެ ވިޔަފާރި ބަނދަރުން އެއް ދުވަސްތެރޭ 934 ކޮންޓެއިނަރަށް ޚިދުމަތްދީ އައު ރެކޯޑެއް ހަދައިފިއެވެ.

އެމްޕީއެލުން ވިދާޅުވީ، މިދިޔަ ބުދަ ދުވަހު މާލެ ވިޔަފާރި ބަނދަރުން 934 ކޮންޓެއިނަރަށް ޚިދުމަތްދީފައިވާ ކަމަށާއި، މިއީ އެކުންފުނީގެ ތާރީޚުގައިވެސް އެއް ދުވަސްތެރޭ އެންމެ ގިނަ ޢަދަދަކަށް ކޮންޓެއިނަރ ހޭންޑަލްކުރި ދުވަސް ކަމަށެވެ.

މާލެ ވިޔަފާރި ބަނދަރަށް ދިމާވެފައިވާ ޖާގައިގެ ދަތިތަކާއި، ކުރިމަތިވެފައިވާ ގޮންޖެހުންތަކާއެކުވެސް މިފަދަ ރެކޯޑު ޤާއިމްކުރެވުނީ، މުވައްޒަފުންގެ އަދި ޕޯޓު ބޭނުންކުރާ ފަރާތްތަކުގެ ވަރަށް ބޮޑު އެއްބާރުލުމާއި ބުރަ މަސައްކަތުންކަން އެމްޕީއެލުން ވަނީ ފާހަގަކުރައްވާފައެވެ.  

Advertisement

އެމްޕީއެލުން ވިދާޅުވީ، އެކުންފުނިން މުދަލުގެ ވެރިފަރާތްތަކަށް ރައްކާތެރިކަމާއިއެކު، ވީހާވެސް އަވަސް، ލުއި ފަސޭހަ ޚިދުމަތެއް ފޯރުކޮށްދިނުމަށް މަސައްކަތް ކުރަމުންއަނަކަމަށެވެ. އަދި ޚިދުމަތް އިތުރަށް ފުޅާކޮށް، މިހާރަށްވުރެ ލުއިފަސޭހަވާނެހެން ބަނދަރުގައި ތޮއްޖެހުން ކުޑަކުރުމަށް ވީހާވެސް އަވަހަށް މުދާ ކްލިއަރ ކުރުމަށް އެމްޕީއެލްއިން ވަނީ އެދިވަޑައިގެންފައެވެ.