ޤާނޫނީ ވަކީލުކަމުގެ ހުއްދަ ހޯދުމަށް ހަދަންޖެހޭ ބާ އިމްތިހާނު އަންނަ އޮކްޓޯބަރު މަހު ބާއްވަން ނިންމައިފިއެވެ.

ބާ ކައުންސިލުން ބުނީ މި އަހަރުގެ ބާ އިމްތިހާނުކުރިއަށް ދާނީ ހަމައެކަނި މާލޭގައިކަމަށެވެ.

އަދި އެ އިމްތިހާނު ބާއްވާ ތަނާއި ވަގުތު ރަޖިސްޓރްީކޮށްފައިވާ ފަރާތްތަކަށް ހިއްސާކުރާނެކަމަށްވެސް އެ ކައުންސިލުން ބުނެފައިވެއެވެ.

Advertisement

ބާ ކައުންސިލުން ނިންމާފައިވާގޮތުގައި އެ އިމްތިހާނު ބާއްވަނީ މި އަހަރުގެ އޮކްޓޯބަރު މަހުގެ 12 ވަނަ ދުވަހުގައެވެ.

ބާ އިމްތިހާނަކީ މަލްޓިޕްލް ޗޮއިސް އިމްތިހާނެކެވެ. އެ އިމްތިހާނުގައި ޤާނޫނުލް ޢުޤޫބާތާއި ޖިނާއީ އިޖުރާއާތާއި، ބިމާބެހޭ ޤާނޫނާއި އެ ޤާނޫނު ތަންފީޒުކުރުމުގައި އަމަލުކުރާ ގޮތާއި، ދުސްތޫރީ އަދި އިދާރީ ޤާނޫނާއި ޓޯޓުގެ ޤާނޫނުގެ އިތުރަށް ދިވެހިރާއްޖޭގެ ޤާނޫނީ ނިޒާމާ ގުޅޭ ސުއާލުތައް ހިމެނޭނެއެވެ.