ސައިކަލަކަށް ސާފް ބޯޑެއް އަރުވައިގެން ބްރިޖާއި ހައިވޭ ހުރަސްކުރި މީހަކާމެދު ފުލުހުން ފިޔަވަޅު އަޅައިފި އެވެ.

ފުލުހުން ބުނީ ސިނަމާލެ ބްރިޖާއި ހައިވޭ ހުރަސްކޮށް ސައިކަލުގައި ސާފްބޯޑެއް އުފުލި މީހަކާމެދު، ގަވާއިދާ ހިލާފަށް މުދާ އުފުލުމުގެ މައްސަލައިގައި ފިޔަވަޅު އަޅާފައިވާ ކަމަށެވެ.

މިފަދަ އަމަލުތަކަކީ ތިމާއާއި އަނެކުންގެ ސަލާމަތާއި ރައްކާތެރިކަމަށް ނުރައްކާވެދާނެ ކަންކަން ކަމަށްވާތީ، މިފަދަ އަމަލުތަކުން ދުރުހެލިވުމަށް އެންމެހައި ފަރާތްތަކަށް ފުލުހުން ވަނީ އިލްތިމާސްކޮށްފަ އެވެ.

Advertisement

ފުލުހުން ދާދިފަހުން ވަނީ ބްރިޖުމަތިން މާގަސްތަކެއް އުފުލި މީހަކަށް ވެސް ފިޔަވަޅު އަޅާފަ އެވެ.