ގްރީސްގެ އެތެންސްގައި އޮންނަ ރޮބޮޓިކްސް މުބާރާތެއްގައި ބައިވެރިވުމަށް ޣިޔާސުއްދީން އިންޓަރނޭޝަނަލް ސްކޫލުގެ ދަރިވަރުން އިއްޔެ ފުރައިފިއެވެ. 

ގްރީސްގެ އެތެންސްގައި ބާއްވާ ފުރަތަމަ ގްލޯބަލް ޗެލެންޖުގައި ރާއްޖެ ތަމްސީލްކުރަނީ ޣިޔާސުއްދީން އިންޓަނޭޝަނަލް ސްކޫލް (ޖީއައިއެސް) ރޮބޮޓިކްސް ޓީމެވެ. ޓީމުގައި އެ ސްކޫލުގެ ގްރޭޑް 9ގެ 5 ދަރިވަރުން ހިމެނޭއިރު އެއީ 3 ފިރިހެން ދަރިވަރުންނާއި ދެ އަންހެން ދަރިވަރުންނެވެ. މި ދަރިވަރުންނާއެކު އެ ސްކޫލްގެ 3 އިސްވެރިން މި ދަތުރުގައި ބައިވެރިވެއެވެ.

މި މުބާރާތުގައި ބައިވެރިވާ ޣިޔާސުއްދީން ސްކޫލުގެ ދަރިވަރުން ވަނީ ކޯޑިންއާއެކު ރޮބޮޓެއް ތައްޔާރުކޮށްފައެވެ.  

Advertisement

މިއަހަރުގެ ފުރަތަމަ ގްލޯބަލް ޗެލެންޖް އޮންނާނީ މިމަހުގެ 26 އިން 29 އަށެވެ. ގްރީސްގެ އެތެންސްގައި ކުރިއަށްދާ މި މުބާރާތުގައި 190އަށް ވުރެ ގިނަ ގައުމަކުން ބައިވެރިވެއެވެ.

މި މުބާރާތް ކުރިއަށް ގެންދަނީ އެމެރިކާގައި ހިންގާ ނޮން-ޕްރޮފިޓް ޕަބްލިކް ޗެރިޓީއެއް ކަމަށްވާ ފަސްޓް ގްލޯބަލްއިންނެވެ.