މޯލްޑިވްސް ޕެންޝަން އެޑްމިނިސްޓްރޭޝަން އޮފީހަށް މެނޭޖަރަކު ހޯދަން އިއުލާންކޮށްފި އެވެ.

އެ އިދާރާ އިން ބުނީ އެ މަގާމަށް ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަަތު އަންނަ މަހުގެ 6 އާ ހަމަށް ހުޅުވާލާފައިވާ ކަަމަށެވެ.

މެނޭޖަރުގެ މަގާމުގެ ޝަރުތަކުތަކުގެ ތެރޭގައި އެކައުންޓިން، ފައިނޭންސް ނުވަތަ އިންވެސްޓްމަންޓްގެ ދާއިރާއިން ބެޗެލާސް ޑިގްރީއެއް ނުވަތަ އެއާ އެއްފެންވަރެއްގެ ޕްރޮފެޝަނަލް ސަނަދެއް ޙާޞިލްކޮށްފައިވުން. ނުވަތަ ޕްރޮފެޝަނަލް އެކައުންޓިން ސަނަދެއް ޙާޞިލްކޮށްފައިވުން ނުވަތަ މަސައްކަތާ ގުޅޭ ދާއިރާއަކުން 4 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުމާއި އެ 4 އަހަރުގެ ތެރެއިން ދެ އަހަރު މެނޭޖީރިއަލް ލެވެލްގައި މަސައްކަތް ކޮށްފައިވުން ނުވަތަ އެކައުންޓިން ފައިނޭންސް ނުވަތަ އިންވެސްޓްމަންޓްގެ ދާއިރާއިން މާސްޓާސް ޑިގްރީއެއް ނުވަތަ އެއާ އެއްފެންވަރެއްގެ ޕްރޮފެޝަނަލް ސަނަދެއް ޙާޞިލްކޮށްފައިވުން ނުވަތަ ޕްރޮފެޝަނަލް އެކައުންޓިންގ ބޮޑީއެއްގެ މެންބަރޝިޕް ޙާޞިލްކޮށްފައިވުން ހިމެނެ އެވެ.

Advertisement

މެނޭޖަރުގެ މުސާރަ އަކީ އިނާޔަތްތަކާ އެކީ މަހަކު 30،000ރ. އެވެ.

ޕެންޝަން އޮފީހުން ބުނީ މަގާމަށް މީހަކު ހޮވާނީ ކުރިމަތިލާ މީހުންގެ ތެރެއިން ތައުލީމީ ފެންވަރާއި އާއި ތަޖުރިބާ އަށް ބަކައި އެންމެ ރަނގަޅު ފަރާތްތައް ޝޯޓްލިސްޓްކޮށް އިންޓަވިއު ކުރުމަށް ފަހު ކަމަށެވެ. އިންޓަވިއު ކުރި އަދި އިމްތިހާނު ކުރިއަށް ގެންދާނީ އަންނަ މަހުގެ 7-20 އާ ދޭތެރޭގަ އެވެ.