މަކަރާއި ހީލަތުގެ މައްސަލައެއްގައި މީހަކު ހޯދަން ފަށާފައިވާކަމަށް ފުލުހުން ބުނެފިއެވެ.

މަކަރާއި ހީލަތުގެ މައްސަލައަކާއި ގުޅިގެން ހޯދަމުންދަނީ މ. ތަރިވިލާގެ، މާލެ، އުމުރުން 41 އަހަރުގެ ޙުސައިން އަޙްމަދެވެ.

އަދި އޭނާ ހޯދަމުންދަނީ ލ. އަތޮޅު ޕޮލިހުން ތަހުގީގު ކުރަމުންދާ މަކަރާއި ހީލަތް ހެދުމުގެ މައްސަލައެއްގެ ތަހުގީގަށް އޭނާ ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީކަމަށް ފުލުހުން މައުލޫމާތުދީފައިވެއެވެ.

Advertisement

އޭނާ ހާޒިރުވާން ޖެހޭނީ މިމަހު 10 ވަނަ ދުވަހުގެ ހެނދުނު 10:00 އަށް ނުވަތަ ވީ އެންމެ އަވަހަކަށް ސާޖަންޓު އާދަމް ޙަލީމް ކްރިމިނަލް އިންވެސްޓިގޭޝަން ބިލްޑިންގަށްކަމަށް ފުލުހުން ބުނެފައިވެއެވެ.

އެހެންކަމުން، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާ އިޖުރާއަތުގެ ގަވާއިދުގެ 27 ވަނަ މާއްދާގެ ދަށުން އޭނާ ތަހުގީގަށް ހާޒިރުވުމަށް ފުލުހުން އަންގައި އިއުލާނުކޮށްފައިވެއެވެ.