ރާއްޖޭގެ ކާމިޔާބު ފިލްމު ސްޓޫޑިއޯ، ޑާކް ރެއިން އެންޓަޓައިންމަންޓްގެ އާ ފިލްމު "ބިބީ" ރޭ އޮލިމްޕަހުގައި ޕްރީމިއާކޮށްފި އެވެ.

ކުލަގަދަ ރެޑް ކާޕެޓް އިވެންޓަކާ އެކީ ފިލްމު ޕްރީމިއާކުރި އިރު، މިއީ އަލަށް ޑައިރެކްޝަނަށް ނުކުތް ޝަހުދާ މަހުމޫދު ލިޔެ، ޑައިރެކްޓްކުރި ފުރަތަމަ ފީޗާ ފިލްމެވެ. މި ފިލްމަކީ ޑާކް ރެއިންގެ ފުރަތަމަ ހޮރޯ-ކޮމެޑީ އެވެ.

"ބިބީ" އަކީ ޑާކް ރެއިނުން މި އަހަރު ގެނެސްދިން ދެވަނަ ފިލްމެވެ. އެ ސްޓޫޑިއޯގެ މި އަހަރުގެ ފުރަތަމަ ފިލްމަކީ ޝަރަފާ އެކީ މާޗްގައި ގެނެސްދިން ރިވެންޖް އެކްޝަން ތުރިލާ "ފުރޭތަ" އެވެ.

Advertisement

"ބިބީ" އަކީ މި އަހަރު އޮލިމްހަށް ގެނައި 10 ވަނަ ފިލްމެވެ. މި ފިލްމުގެ ޝޯތައް މި މަހުގެ 28 އާ ހަމައަށް ކުރިއަށް ދާނެ އެވެ.