ސަރުކާރުގެ ހޮސްޕިޓަލްތަކުގައި މަސައްކަތްކުރާ ޑޮކްޓަރުން ޕްރައިވެޓް ހޮސްޕިޓަލުތަކާއި ކްލިނިކްތަކުގައި މަސައްކަތްކުރުމުގެ ގަވާއިދެއް އެކުލަވައިލަން އެންޓި-ކޮރަޕްޝަން ކޮމިޝަން (އޭސީސީ) އިން ލަފާ ދީފި އެވެ.

ރާއްޖޭގެ ސިއްހީ ވެލްފެއާ ނިޒާމުގައި ކޮރަޕްޝަނަށް އޮތް ހިރާސްތައް ދެނެގަތުމަށް ދިރާސާކޮށް ކޮމިޝަނުން އިއްޔެ އާންމުކުރި ރިޕޯޓްގައި ބުނީ ބައިނަލްއަގުވާމީ މިންގަނޑަށް ރިއާޔަތްކުރާ އިރ،ު ރާއްޖޭގައި ސަރުކާރުގެ ހޮސްޕިޓަލްތަކުގައި މަސައްކަތްކުރާ ޑޮކްޓަރުން ޕްރައިވެޓް ހޮސްޕިޓަލް ކްލިނިކްތަކުގައި މަސައްކަތްކުރުމާ ގުޅިގެން އަމަލުކުރާނެ އެއްވެސް ގަވާއިދެއް ހެދިފައި ނުވާ ކަމަށެވެ.

އެހެންވެ އޭގެ ސަބަބުން މަސްލަހަތު ފުށޫއެރުމާއި ޑޮކްޓަރުން ބަލިމީހަކަށް ހޭދަކުރާ ވަގުތާއި އަދި ޑޮކްޓަރުންގެ ހިދުމަތް މޮނިޓާކޮށް އިވެލުއޭޓް ކުރުމުގެ މަސައްކަތް އެންމެ ފުރިހަމައަށް ކުރިއަށް ނުދާކަން އޭސީސީން ފާހަގަކޮށްފައިވެ އެވެ.

Advertisement

މި ސަބަބާ ހުރެ ސަރުކާތު ހޮސްޕިޓަލްތަކުގައި މަސައްކަތްކުރާ ޑޮކްޓަރުން ޕްރައިވެޓް ހޮސްޕިޓަލްތަކާއި ކްލިނިކްތަކުގައި މަސައްކަތް ކުރުމުގެ ގަވައިދު އެކުލަވާލަން އޭސީސީން ވަަނީ ލަ ފާދީފަ އެވެ.

ސަރުކާރުގެ ހޮސްޕިޓަލުތަކުގައި މަސައްކަތް ކުރާ ވަރަށް ގިނަ ގިނަ އަދަދެއްގެ ޑޮކްްޓަރުން ޕްރައިވެޓް ހޮސްޕިޓަލްތަކުގައި މަސައްކަތް ކުރުމަކީ ވަރަށް އާންމު ކަމެކެވެ.