އަހަރަކު އެއް ފަހަރު ދުނިޔޭގެ ތިމާވެށީގެ އެންމެ ބޮޑު ސަމިޓް ކަމަށްވާ މި އަހަރު ބާއްވާ "ކޮޕް 29" ގައި ބައިވެރިވެވަޑައިގަތުމަށް ތިމާވެއްޓާ ބެހޭ މިނިސްޓަރު ޠާރިގް އިބްރާހީމް އަޒަރުބައިޖާނަށް ފުރާވަޑައިގެންފިއެވެ.

މިނިސްޓަރުގެ އަރިހުގައި މިނިސްޓްރީގެ އިސްވެރިންގެ ޓީމެއް ވެސް ބައިވެރިވެވަޑައިގަންނަވަ އެވެ. މި ފަހަރުގެ ސަމިޓުގައި ވެސް ރާއްޖެ އިން މުހިންމު ދައުރެއް އަދާކުރާނެ ކަމަށް މިނިސްޓަރު ވިދާޅުވެފައިވެ އެވެ.

ކޮޕް 29 ގައި ރައީސް ޑރ. މުޙައްމަދު މުޢިއްޒު ވެސް ބައިވެރިވެވަޑައިގެން ތަޤުރީރު ކުރެއްވުމަށް ހަމަޖެހިފައިވެ އެވެ. މިދިޔަ އަހަރު ދުބާއީގައި ބޭއްވި ކޮޕް-28 ގައި ވެސް ރައީސް ބައިވެރިވެވަޑައިގެންނެވި އެވެ. ންނަވާފައެވެ.

Advertisement

ކޮޕް 29 ކުރިއަށް ދާނީ މާދަމާ އިން ފެށިގެން މި މަހުގެ 22 އާ ހަމައަށް އަޒަރުބައިޖާންގެ ވެރިރަށް ބަކޫގަ އެވެ. ސަމިޓްގެ މި އަހަރުގެ ޝިޢާރަކީ "އިން ސޮލިޑޭރިޓީ ފޯ އަ ގްރީން ވޯލްޑް" އެވެ.