އިންޑިޔާގެ ބެންގަލޫރުގެ ހޮޓަލެއްގައި ދިވެއްސަކު މަރުވެފައި އޮއްވައި ފެނިފައިވާ ކަމަށް އެގައުމުގެ ނޫސްތަކުން ރިޕޯޓުކޮށްފި އެވެ.

އިންޑިޔާ ނޫސްތަކުގައި ރިޕޯޓުކުރި ގޮތުގައި މިދިޔަ ބުދަ ދުވަހު ބެންގަލޫރުގެ ހޮޓަލެއްގައި މަރުވެފައި އޮއްވައި ފެނުނީ އުމުރުން 43 އަހރުގެ ހަސަން ސުހައިލު ނަމަކަށް ކިޔާ މީހެކެވެ.

އިންޑިޔާގެ ފުލުހުން ބުނެފައިވާ ގޮތުގައި ސުހައިލު އިންޑިޔާއަށް އައީ ނިމުނު ހަފުތާގެ އާދީއްތަ ދުވަހު އެވެ. އޭނާ މަރުވެފައި އޮއްވައި ފެނުނީ ހޮޓަލުން ޗެކްއައުޓުވާން އޮތު ދުވަހު އެވެ.

Advertisement

އޭނާ މަރުވީ ލޭގެ ޕްރެޝަރު ދަށްވެ ޑިހައިޑްރޭޓްވުމުގެ ސަބަބުން ހާޓް އެޓޭކެއް ޖެހިގެންކަމަށް ބެލެވޭ ކަމަށް ފުލުހުން ބުނެފައިވެ އެވެ.

މިވަގުތު ސުހައިލުގެ ހަށިގަނޑު އޮތީ ރަމާއިއާ ހޮސްޕިޓަލުގެ މޯޗަރީގަ އެވެ. އެއީ ޕޯސްޓްމޯޓެމް ހެދުމާމެދު އާއިލާއިން ވަކި ގޮތެއް ނިންމަންދެންނެވެ.