ރާއްޖެ އާއި ޕާކިސްތާނާ ދެމެދު އަސްކަރީ ގުޅުން އިތުރު ކުރުމާ ގުޅޭ ގޮތުން މަޝްވަރާތަކެއްކޮށްފި އެވެ.

އެގޮތުން ޕާކިސްތާނުގެ ޗީފް އޮފް އާމީ ސްޓާފް ސައީދު އާސިިމް މުނީރު އާ ބައްދަލު ކުރައްވައި ޑިފެންސް މިނިސްޓަރު ގައްސާން މައުމޫން ބައްދަލު ކުރައްވައި ދެ ގައުމުގެ މެދުގައި އަސްކަރީ ގުޅުން އިތުރށް ވަރުގަދަކޮށް ބަދަހި ކުރަން މަޝްވަރާކޮށްފައިވެ އެވެ.

މިކަމާ ގުޅޭ ގޮތުން ޑިފެންސް މިނިސްޓްރީން ސޯޝަލް މީޑިއާ ޕޯސްޓެއްގައި ބުނީ މަޝްވަރާ ބައްދަލުވުން ކުރިއަށް ދިޔައީ އިންޓަނޭޝަނަލް ޑިފެންސް އެގްޒިބިޝަން އެންޑް ސެމިނާސް (އައިޑިއާސް 2024) ގެ ހަވާސާގައި ކަމަށެވެ. އެކަމަކު މިކަމާ ގުޅޭ އިތުރު ތަފުސީލެއް ދީފައެެއް ނުވެ އެވެ.

Advertisement

ރާއްޖެ އާއި ޕާކިސްތާނާ ދެމެދު އަބަދު ވެސް ވަރަށް ގާތް ގުޅުމެއް އޮވެ އެވެ. އެ ގައުމަކީ އަބަދު ވެސް އެކި ގޮތްގޮތުން ރާއްޖެ އަށް އެހީވަމުން އަންނަ ގައުމެއްކަން ފާހަގަކޮށްލެވެ އެވެ.