އިލެކްޝަންސް ކޮމިޝަން (އީސީ) ގެ ރައީސް ފުއާދު ތައުފީގުގެ ދައުރު މިއަދަށް ހަމަވެއްޖެއެވެ.

އެ ކޮމިޝަންގެގަވާއިދު ބުނާގޮތުން ދެ ދައުރަށް ވުރެ އިތުރަށް މެންބަރަކަމެއް ނުކުރެވޭނެ އެވެ. އެހެންވެ ދެވަނަ ދައުރާ އެކީ އިސީގެ މެމްބަރުކަމުން ވަކިވާނެ އެވެ.

އީސީއާ ފުއާދުު ގުޅިވަޑައިގަތީ 1978 ގަ އެވެ. އެ ކޮމިޝަންގެ މެންބަރު ކަމަށް އޭނަ އެންމެ ފުރަތަމަ އައްޔަން ކުރީ އާ ގާނޫނޫއަސާސީގެ ދަށުން ފުރަތަމަ އެކުލަވާލި ކޮމިޝަނަށް 2008 ގަ އެވެ.

Advertisement

ފުއާދުގެ ދައުރު މިއަދަށް ހަމަވި އިރު، އޭނަގެ ދައުރު ހަމަވާތީ އީސީގެ މެންބަރު ކަމަށް ރައީސް ޑރ. މުހައްމަދު މުއިއްޒު މިދިޔަ މަހުގެ ތެރޭގައި އެ ކޮމިޝަނުގެ އެސިސްޓެންޓް ޑިރެކްޓަރުގެ މަގާމުގައި ހުންނެވި ޢަބްދުލްޙަސީބް އިސްމާޢީލް އައްޔަން ކުރުމަށް ރައްޔިތުންގެ މަޖިލީހަށް ފޮނުއްވި އެވެ. އަދި އެ ނަން މަޖިލީހުން ވަނީ މި މަހުގެ 5 ގައި ފާސް ވެސް ކޮށްފަ އެވެ.

ފުއާދުގެ ދައުރު ހަމަވި އިރު، އީސީގައި ދެ ދައުރު ފުރިހަމަ ކުރެއްވި ކުރީގެ ނައިބު ރައީސް އިސްމާއީލް ހަބީބު ވެސް މި އަހަރުގެ ކުރީކޮޅު މެންބަރުކަމުން ވަކިވެފައިވެ އެވެ. އޭނަ މިހާރު ހުންނެވީ އެޗްއާރްސީއެމްގެ މެންބަރެއްގެ މަގާމުގަ އެވެ.