ކ. ގުޅީގައި ފާނުބަސަންދު ޖެހުނު މީހުންގެ އަދަދު 25 އަށް އަރާފައިވާ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފި އެވެ.

އެ ރަށުން އެ ބަލީގެ 11 ކޭގެއް ފެނިފައިވާކަން އެޗްޕީއޭ އިން ހާމަކުރީ މި މަހުގެ 22 ގަ އެވެ، އޭގެ ފަހުން މިހާރު ބަލޮ ޖެހުނު މީހުންގެ އަދަދު 25 އަށް އަރާ ކަމަށް ބުންޏެވެ. ނަމަވެސް މީގެ ތެރޭގައި ބަލީގެ ހާލަތު އެހާ ގޯސް މީހަކު ނެތެވެ. އެހެންވެ އެއްވެސް މީހަކު އެޑްމިޓްކޮށްގެން ފަރުވާ ދެމުން ނުދާ ކަމަށް އެޗްޕީއޭ އިން ބުންޏެވެ.

އެތަނުން ބުނީ ގުޅީފައި ފާނަބަންސަދު ޖެހޭ މީހުންގެ އަދަދު އިތުރުވާތީ މިހާރު ހާއްސަ ފިޔަވަޅުތަކެއް ވެސް އަޅަމުން އަންނަ ކަމަށެވެ. އެގޮތުން ވެކްސިން ޖެހުން އަންނަނީ ކުރަމުންނެވެ.

Advertisement

"މިހާރު އަޅުގަނޑުމެން ވާނެ ޓީމެއް ފޮނުވާފައި ގުޅިއަށް. ޕްރިވެންޓިވް މެޝާސްތައް ނަގަމުން ދަނީ." އޮފިޝަލު ވިދާޅުވިއެވެ.

ފާނަބަސަންދުގެ ކޭސްތައް އާންމުކޮށް ރާއްޖޭގެ އެކި ހިސާބުތަކުން ކޮންމެ އަހަރަކު ވެސް ރިޕޯޓް ކުރާ ކަމަށް އެޗްޕީއޭ އިން ބުންޏެވެ. އެގޮތުން މި އަހަރުގެ މިހާތަނަށް 2900 އަށް ވުރެ ކޭސް ރިޕޯޓްކޮށްފައިވާ އިރު މާލެއިން 1500 އަށް ވުރެ ގިނަ އަދި އަތޮޅުތަކުން 1470 އަށް ވުރެ ގިނަ ކޭސްތައް ރިޕޯޓްކޮށްފައިވެ އެވެ.

ފާނަބަސަންދުގެ އަލާމާތްތަކުގެ ތެރޭގައި ހުންއައުމާއި، ވަރުދެރަވުމާއި، ނޭފަތުން ފެންއައުން އަދި ހަމުގައި ބިހިތަކެއް ނެގުން ހިމެނެ އެވެ.