ގަވާއިދާ ހިލާފު އިތުރު 14 ބިދޭސީއަކު އަތުލައިގެންފި
ގަވާއިދާ ހިލާފަށް އުޅޭ ބިދޭސީން ހޯދަން ހިންގަމުން އަންނަ އޮޕަރޭޝަންގެ ތެރެއިން އަނެއްކާ ވެސް ބިދޭސީންތަކެއް އަތުލައިގެންފި އެވެ.
އިމިގްރޭޝަނުން ބުނީ 14 މީހަކު އަތުލައިގަތީ ހުޅުމާލެ އިން ކަމަށެވެ. އެ މީހުން އަތުލައިގަތީ ޓާސްކު ފޯހުން ރޭ ކުރިއަށް ގެންދިއަ ރެއިޑު އޮޕަރޭޝަނެއްގައި އާންމު ސިއްހަތަށް ގެއްލުންވާ ގޮތަށް ހުޅުމާލޭގައި ބިދޭސީން ދިރިއުޅެމުންދާ ދެ އެކޮމޮޑޭޝަން ބްލޮކެއްބަލައި ފާސްކޮށެވެ.
އެގޮތުން ފުރަތަމަ ބަލާފައިވާ ތަނުން ގަވާއިދާ ހިލާފަށް އުޅެމުންދިއަ ބިދޭސީ ނުވަ ފިރިހެނުންނާއި ދެވަނަ ތަނުން ބިދޭސީ ތިން އަންހެނަކާއި ދެ ފިރިހެނުން އިމިގްރޭޝަންގެ ދަށަށް ގެންގޮސްފައިވެ އެވެ.
ގަވާއިދާ ހިލާފަށް އުޅޭ ބިދޭސީން ހޯދަން ކުރިއަށް ގެންދާ އޮޕަރޭޝަންގެ ތެރޭގައި މިހާތަނަށް 5،000 އަށް ވުރެ ގިނަ ބިދޭސީން ޑީޕޯޓްކޮށްފައިވެ އެވެ.