ބ. ކަމަދޫ އާމިނަތު ޒާރާއާ ކައިވެނި ބައްލަވައިގަތުމަށް ޕްރޮޕޯސްކުރެއްވީ އަމިއްލަ އަށް ކަމަށް ރައްޔިތުންގެ މަޖިލީހުގެ ދ. މީދޫ ދާއިރާގެ މެންބަރު އަހުމަދު ސިޔާމް މުހައްމަދު (ސަން ސިޔާމް) ވިދާޅުވެއްޖެ އެވެ.

ރާއްޖެ ޓީވީގައި އޭނަ ވިދާޅުވީ މި އަހަރުގެ ބޮޑު އީދަށް ކަމަދޫގައި ބޭއްވި ހަރަކާތްތަކުގެ ތެރެއިން ދައްކައިލި ނެށުންތަކަކުން ގިނަ ބައެއްގެ ސަމާކުލަން ލިބުނު ޒާރާ، އެންމެ ފުރަތަމަ ފެނިވަޑައިގަންނަވަނީ "ކޮންމެވެސް ތަނަކުން" ކަމަށެވެ. ނަމަވެސް އެއީ ކޮންތަނެއްކަން ހާމަނުކުރައްވައި ސިޔާމް ވިދާޅުވީ އެންމެ ފުރަތަމަ ވެސް ޒާރާ ފެނިވަޑައިގަތުމުން އޭނައާ މެދު ވަރަށް ޝައުގުވެރިކަން އުފެދި ގަޔާވެވަޑައިގަތް ކަމަށެވެ.

"[ދެން] އަޅުގަނޑު [އިންނަން] ޕްރޮޕޯސްކުރީ." ކުރިން ވެސް ކައިވެނިތަކެއް ކުރައްވައި ދަރިންތަކެއް ވެސް ތިއްބެވި ސިޔާމް ވިދާޅުވި އެވެ.

Advertisement

ސިޔާމާއި ޒާރާ ކައިވެނި ބައްލަވައިގަތީ ދުރާލައި އެކަމަށް ވަރަށް ބޮޑަށް ތައްޔާރުވެ، މިދިޔަ އޮކްޓޯބަރު މަހުގެ 10 ގަ އެވެ. މި ކައިވެނިގެން ދިޔައީ ރާއްޖޭގެ އެންމެ ގިނަ ބައެއްގެ ސަމާލުކަން ހުއްޓުނު ކައިވެންޏަކަށެވެ. އެގޮތުން ޒާރާ އާއި ސިޔާމުގެ ކައިވެނީގެ ވާހަކަ ސޯޝަލް މީޑިއާގައި އެކި ގޮތްގޮތަށް ދެކެވިފައިވެ އެވެ.

އޭރު ބައެއް ފަރާތްތަކުން ބުނެފައި ވަނީ ސިޔާމާ އިންނަން ޒާރާ ރަން ކީ ދެ ގެސްޓްހައުސްއަކަށް ކަމަށެވެ.