05 އޭޕްރީލު 2025

Advertisement

ކާނިވާ ސްޓޭޖު ތަޅާލައި އާ ސްޓޭޖެއް އަޅަނީ

06 ޑިސެމްބަރު 2024

މާލޭގެ ކާނިވަލް ސްޓޭޖު ތަޅާލުމަށްފަހު އެތަނުގައި އާ ސްޓޭޖެއް އަޅައިދޭނެ ބަޔަކު ހޯދަން އިއުލާންކޮށްފި އެވެ.

މާލޭ ސިޓީ ކައުންސިލުން އިއްޔެ ކުރި އިއުލާނެއްގައި ބުނީ ކާނިވާ ސަރަހައްދުގައި އިމާރާތް ކުރެވިފައިވާ ސްޓޭޖް ތަޅާލުމަށްފަހު އައު ސްޓޭޖެއް ތަރައްޤީ ކުރުމުގެ މަސައްކަތް އަމިއްލަ ތަކެތީގައި ކޮށްދޭނެ ފަރާތެއް ހޯދުމަށް ބޭނުންވާ ކަމަށެވެ. އެގޮތުން މި މަސައްކަތް ކުރުމަށް ބީލަން ހުށަހެޅުމުގެ ފުރުޞަތު ވަނީ ހުޅުވާލާފަ އެވެ.

މި މަޝްރޫއުގެ މައުލޫމާތު ދިނުމަށް މިމަހުގެ 11 ވަނަ ދުވަހުގެ ހެނދުނު 11:00 ޖަހާއިރު ހ. ހުޅުގަލީގައި ހުންނަ އެ ކައުންސިލްގެ އެޑްމިން ސެކްޝަންގެ މީޓިން ރޫމްގައި ބައްދަލުވުމެއް ބޭއްވުމަށް ވަނީ ހަމަޖެހިފަ އެވެ.

Advertisement

މިބައްދަލުވުމަށް ހާޒިރު ނުވާ ފަރާތްތަކާއި ގަޑިޖެހުމުގެ ފަހުން އަންދާސީ ހިސާބު ހުށަހަޅާ ފަރާތަތަކުގެ އާންދާސީ ހިސާބު ބަލައި ނުގަންނާނެ ކަމަށްވެސް ސިޓީ ކައުންސިލުން ބުންޏެވެ.

މި މަސައްކަތަށް އަންދާސީ ހިސާބު ހުށަހެޅޭނީ ދިވެހި ކުންފުނި، ޕާޓްނާޝިޕް، ލޯކަލް އިންވެސްޓްމެންޓް އަދި ވިޔަފާރިކުރުމުގެ ހުއްދަ ލިބިފައިވާ ފަރާތްތަކަށް އެކަންޏެވެ.

މި މަސައްކަތުގެ އަންދާސީ ހިސާބު ހުށަހަޅަންޖެހެނީ މިމަހުގެ 16 ވަނަ ދުވަހުގެ ހެނދުނު 11:00ގެ ކުރިންނެވެ.

Advertisement

ކޮމެންޓް