މޯލްޑިވްސް މީޑިއާ ކައުންސިލް (އެމްއެމްސީ) ގެ އާ ދައުރަށް މިއަދު މެމްބަރުން އިންތިހާބުކޮށްފި އެވެ.

މެމްބަރުން ހޮވަން ޔޫތް މިނިސްޓްރީން ބޭއްވި އިންތިހާބުގައި އެމްއެމްސީގައި މިޑިއާތަކުން ތަމްސީލުކުރާ މެމްބަރުންގެ އިތުރުން އާންމުންގެ ތެރެއިން ތަމްސީލުކުރާ މެމްބަރުން ވެސް އިންތިހާބުކޮށްފައިވެ އެވެ.

އެގޮތުން މީޑިއާތަކުން އެމްއެމްސީ އަށް އިންތިހާބުވި މެމްބަރުންނަކީ ފާތިމަތު ޝަނާ މުހައްމަދު (މިހާރު)، ނަޖާހު މަސްއޫދު (ވަގުތު)، ހަސަން ޝާކިރު (އާފަތިސް)، ހަފްސީ  (ހަފްސީ.ކޮމް)، ހުސެއިން ޝަގީފް (ތިލަދުން)، ހުސެއިން ހަސަން (ހަތާވީސް އޮންލައިން)، ފާތިމަތު ނަހުދާ ފާއިޒް (ދިޔަރެސް) އެވެ.

Advertisement

އާންމުންގެ ތެރެއިން އިންތިހާބުވި މެމްބަރުންނަކީ އިބްރާހިމް ފައުޒީ އާއި ފާތިމަތު ފަހުމީގެ އިތުރުން އިބްރާހިމް މުހައްމަދު އެވެ.

އެމްއެމްއެމްސީ އަކީ މީޑިއާތައް ރެގިއުލޭޓްކުރަން އުފައްދާފައި އޮންނަ ކައުންސިލެކެވެ.