އަލިފާނުގެ ހާދިސާއާއި ގުޅިގެން ސޯޝަލް ސެންޓަރަށް 50 އަށް ގިނަ މީހުން ގެންދިއުމުގެ މަސައްކަތް ކުރަމުންދާ ކަމަށް ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީއިން ވިދާޅުވެއެވެ.

އެންޑީއެމްއޭގެ ޗީފް އެގްޒެކެޓިވް ހިސާން ހަސަން ވިދާޅުވީ، މިކަމާއި ގުޅިގެން އެވެކުއޭޝަން ސެންޓަރު ޤާއިމްކޮށްފައިވާ ކަމަށެވެ. އަދި އެ ސަރަހައްދުގައި ދިރިއުޅޭ ފަރާތްތަކުގެ ތެރެއިން 50 އަށް ވުރެ ގިނަ މީހުން ސޯޝަލް ސެންޓަރަށް ގެންދިއުމުގެ މަސައްކަތް ކުރަމުންދާ ކަމަށް ވިދާޅުވިއެވެ. އަދި މިކަމާއި ގުޅިގެން 4 ގަޑިއިރާއި 6 ގަޑިއިރު އެތަނުގައި އެ ފަރާތްތައް ހޭދަ ކުރަން ޖެހިދާނެ ކަމަށް ލާފަކުރެވޭ ކަމަށް އެންޑީއެމްއޭއިން ވިދާޅުވިއެވެ.

އެންޑީއެމްއޭއިން ވިދާޅުވީ، އަލިފާނާއި ގުޅިގެން އެ ސަރަހައްދުގައި ހިންގަމުންދާ އޮފީސްތަކާއި ސްކޫލްތައް ބަނދުކުރުމަށް މިހާރު ކަމާއިބެހޭ ފަރާތްތަކަށް އަންގާފައިވާ ކަމަށެވެ. އެއީ މިވަގުތުވެސް ވަރަށް ބޮޑަށް ދުމުގެ އަސަރު ހުރުމުން ކަމަށް ކަމަށް ހިސާން ވިދާޅުވިއެވެ.

Advertisement

އެންޑީއެމްއޭއިން ވިދާޅުވީ މީހުން ގެތަކަށް ބަދަލުކުރަން ޖެހޭ އަދަދު އެއްކޮށް އެނގިގެންދާން އަދި ވަގުތު ނަގާނެ ކަމަށެވެ. ނަމަވެސް އެތަނަށް ގެންދެވޭ ފަރާތްތަކުން އެތަނުގައި ހޭދަ ކުރާ ފަރާތްތަކަށް ކެއިން ބުއިމުގެ ޚިދުމަތް ދޭނެ ކަމަށެވެ.

އެންޑީއެމްއޭއިން ވަނީ ދުމުގެ އަސަރުކޮށް ނުވަތަ އެއްވެސް އެހީތެރިކަމެއް ބޭނުންވާ ފަރާތަކުން އެހީތެރިކަން ބޭނުންވާ ނަމަ 115 އަށް ގުޅައިގެން އެހީތެރިކަން ހޯދުމަށް އިލްތިމާސްކުރައްވާފައެވެ.