05 އޭޕްރީލު 2025

Advertisement

އެޗްޑީސީގެ މެނޭޖިން ޑިރެކްޓަރު ފަޒުލް އިސްތިއުފާ ދެއްވައިފި

21 ޑިސެމްބަރު 2024

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު އިސްތިއުފާ ދެއްވައިފިއެވެ.

ފަޒުލް އިސްތިއުފާ ދެއްވިކަން ހާމަކުރައްވައި ރައީސް ޑރ. މުޙައްމަދު މުއިއްޒަށް ފޮނުވި ސިޓީ ސޯޝަލް މީޑިއާގައި އޭނާވަނީ މިރޭ ހިއްސާކުރައްވައިިފައެވެ.

ރައީސް ޑރ. މުއިއްޒަށް ފޮނުއްވި ސިޓީގައި ފަޒުލް ވިދާޅުވެފައިވަނީ، އެޗްޑީސީގެ މެނޭޖިންގ ޑިރެކްޓަރުކަމުގައި ހޭދަކުރެއްވި މުއްދަތުގައި އޭނާއާއި މެދު އެކި ގޮތްގޮތުން ކުރި އަދި މިހާރު އެކިއެކި ޕްލެޓްފޯމްތަކުގައި ކުރަމުންދާ ތުހުމަތުތަކަށް އިންކާރު ކުރައްވާ ކަމަށެވެ. އަދި އޭނާ އެޗްޑީސީއަށް އައްޔަންކުރި ފަހުން މިހާތަނަށް ކުރެއްވި އެންމެހާ މުޢާމަލާތްތަކަކީ ކުންފުނީގެ ބޯޑުގެ ނިންމުންތަކާއި ކުންފުނީގައި ހެދިފައިވާ ޕޮލިސީތަކުގެ އިމުގެ ތެރެއިން، ކުންފުނީގެ މަޞްލަޙަތު އިސްކޮށްގެން ކުރެއްވި މުޢާމަލާތްތަކެއް ކަމަށް ފަޒުލް ވިދާޅުވެފައިވެއެވެ.

Advertisement

ރައީސް ޑރ. މުއިއްޒަށް ފަޒުލް ފޮނުވާފައިވާ ސިޓީއެއް

ފަޒުލް ވިދާޅުވީ އެޗްޑީސީގެ މެނޭޖިން ޑިރެކްޓަރު ކަމުގެ މަގާމުން އިސްތިއުފާ ދެއްވީ "ބިންވެރިޔާ" ސްކީމާ ގުޅިގެން މިހާރު ކުރިއަށްދާ ތަހުގީގަށް ފުރުސަތު ދިނުމަށާއި ކުންފުންޏާއި ސަރުކާރުގެ ސިޔާސަތުތައް ނުހުއްޓި ކުރިއަށް ގެންދިއުމަށް ފުރުސަތު ދިނުމުގެ ގޮތުން ކަމަށެވެ. ރައީސް ޑރ. މުއިއްޒަށް ފޮނުވި ސިޓީގައި ފަޒުލް ވަނީ ސަރުކާރަށް ކާމިޔާބަށް ވެސް އެދިވަޑައިގެންފައެވެ.


Advertisement

ކޮމެންޓް