ކ. ގުރައިދޫގައި ޝައްކު އުފެދޭ ގޮތަކަށް މަރުވި 4 މަހުގެ ތުއްތު ކުއްޖާގެ ޕޯސްޓްމޯޓަމް ހެދުމަށްފަހު، ހަށިގަނޑު މިއަދު މާލެ ގެނެސް ވަޅުލައިފި އެވެ.

ހަތަރު މަހުގެ މި ކުއްޖާގެ ހަށިގަނޑު ވަޅުލީ މިއަދު އަސުރު ނަމާދަށްފަހު ހުޅުމާލެ ސަހަރާ ގައެވެ.

މި ކުއްޖާ މަރުވެފައި އޮއްވާ ފެނުނީ މިމަހުގެ 13 ވަނަ ދުވަހުގެ ރޭ ދަންވަރުގެ ވަގުތެއްގައެވެ. ކުއްޖާ މަރުވެފައި އޮތް އިރު ނޭފަތުން ލޭ އައިސްފައި ހުރުމުން މަރުގައި ޝައްކުތަކެއް އުފެދޭތީވެ، ފުލުހުން ވަނީ އެ ކުއްޖާގެ ހަށިގަނޑު މާލެ ގެނެސް މިމަހުގެ 18 ވަނަ ދުވަހު ޕޯސްޓްމޯޓަމް ހަދަން އިންޑިއާ އަށް ފޮނުވާފަ އެވެ.

Advertisement

ޕޯސްޓްމޯޓަމް ރިޕޯޓާ ގުޅޭގޮތުން ފުލުހުން އަދި ވަކި އެއްޗެއް ނުބުނެ އެވެ.