05 އޭޕްރީލު 2025

Advertisement

އައިއޭއެސް ގެ ޗެއަރމަނަކަށް ޝަފިޢު

24 ޖެނުއަރީ 2025

އައިލެންޑް އެވިއޭޝަން ސާވިސް (އައިއޭއެސް) ގެ ބޯޑުގެ ޗެއަރމަން ކަމަށް އަހުމަދު ޝަފިޢު އައްޔަންކޮށްފިއެވެ.

ޝަފީޢު މިމަޤާމަށް އައްޔަންކޮށްފައިވާކަން ޢިއުލާންކޮށް އެކުންފުނިންވަނީ އޭނާއަށް މަރުޙަބާ ދަންނަވާފައެވެ. އައިލޭންޑް އެވިއޭޝަންގެ ބޯޑުގެ ޗެއަރމަންކަމަށް ޝަފީއު އައްޔަންކޮށްފައިވާއިރު، އޭނާއަކީ މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާބެހޭ ވުޒާރާގެ ސްޓޭޓް މިނިސްޓަރުކަން ކުރައްވަމުން ގެންދަވާ ބޭފުޅެކެވެ.

ޝަފީއު މީގެކުރިންވެސް ވަނީ އައިލެންޑް އޭވިއޭޝަންގެ ޗެއަރމަންކަން ކުރައްވާފައެވެ. އެގޮތުން 2014 އިން 2018އަށް އެ މަޤާމުވަނީ ފުރުއްވާފައެވެ.

Advertisement

އަހުމަދު ޝަފިޢުއަކީ ސަރުކާރުގެ އެކި މަޤާމުތައް މީގެ ކުރިންވެސް އަދާކުރައްވާފައިވާ ބޭފުޅެކެވެ. އެގޮތުން ތަޢުލީމީ ދާއިރާގައި އޭނާ ވަނީ ގިނަ ޚިދުމަތްތަކެއް ކުރައްވާފައެވެ.

ޝަފީޢު އެ މަޤާމަށް އައްޔަންކޮށްފައިވާއިރު، އެ މަޤާމުގައި ކުރިން ހުންނެވީ އެކުންފުނީގެ މެނޭޖިންގް ޑިރެކްޓަރުކަން މިދިޔަ ސަރުކާރުގައި ކުރައްވާފައިވާ މުހައްމަދު މިހާދުއެވެ. މިހާދު ބޯޑުން ވަކިކޮށްފައިވަނީ މިދިޔަ އަހަރު އޯގަސްޓު މަހުއެވެ.  

Advertisement

ކޮމެންޓް