05 އޭޕްރީލު 2025

Advertisement

ނަހުލާގެ ކުންފުނިން މިޔަރު މަސް ބޭރުކުރަން އުޅެފި!

31 ޖެނުއަރީ 2025

ބައި ޓަނުގެ މިޔަރު މަހާއި މަޑި މަސް ގަވާއިދާ ހިލާފަށް ބޭރުކުރަން އުޅުނީ ދަ ކްރިސްޓަލް ކޮމްޕެނީ ޕްރައިވެޓް ލިމިޓެޑް ކިޔާ ކުންފުންޏަކުން ކަމަށް މޯލްޑިވްސް ކަސްޓަމްސް ސާވިސް އިން ބުނެފި އެވެ.

ސޯޝަލް މީޑިއާ ޕޯސްޓެއްގައި އެ އިދާރާ އިން ބުނީ ބަލައި ފާސްކުރުމުގެ ތެރެއިން 582 ކިލޯގެ މިޔަރު މަހާއި މަޑި މަސް ފެނުނު މައްސަލަ އެ އިދާރާއިން ތަހުގީގު ކުރަމުން އަންނަ ކަމަށެވެ. އަދި އެ ޝިޕްމެންޓް އެ އިދާރާއަށް ޑިކްލެއާކޮށްފައި ވަނީ ދަ ކްރިސްޓަލް ކޮމްޕެނީ ޕްރައިވެޓް ލިމިޓެޑް ކިޔާ ކުންފުންޏަކުން ކަމަށް ބުންޏެވެ.

ކްރިސްޓަލް އަކީ މަޝްހޫރު ޑައިރެކްޓަރު/ޕްރޮޑިއުސަރު ފާތުމަތު ނަހުލާގެ އާއިލީ ކުންފުންޏެކެވެ. އިކޮނޮމިކް މިނިސްޓްރީގެ ބިޒްނަސް ޕޯޓަލުން ދައްކާ ގޮތުން ދަ ކްރިސްޓަލް ކޮމްޕެނީގެ ހިއްސާދާރުންނަކީ ނަހުލާ އާއި ފިރިމީހާ ހަސަން ސިނާނެވެ.

ގަވާއިދާ ހިލާފަށް ރާއްޖެއިން ބޭރުކުރަން އުޅެނިކޮށް 582 ކިލޯގެ މިޔަރު މަހާއި މަޑި މަސް ހުރި 45 ފޮށިގަނޑު ކަސްޓަމްސްއިން އަތުލައިގެންފައި ވަނީ މިދިޔަ ނޮވެމްބަރު 7 ގަ އެވެ.

Advertisement

ކޮމެންޓް