އެކި ރަށްރަށުގައި މިއަދު ބޭއްވި ބައި އިލެކްޝަންތަކުން ސަރުކާރު ހިންގާ، ޕީއެންސީން ބޮޑު ކާމިޔާބީއެއް ހޯދައިފި އެވެ.

މިއަދު ބާއްވާފައިވަނީ ދެ ރަށެއްގެ ކައުންސިލަރުންނާއި 10 ރަށެއްގެ އަންހެނުންގެ ތަރައްގީއަށް މަސައްކަތް ކުރާ ކޮމިޓީއަށް މެމްބަރުން އިންތިހާބު ކުރުމަށް ބޭއްވި ބައި އިލެކްޝަންތަކެވެ.

ޕީއެންސީގެ ނައިބު ރައީސް އިބްރާހިމް ޝުޖާއު ވިދާޅުވީ މިއަދު ބޭއްވި ބައި އިލެކްޝަންތަކުން އެ ޕާޓީން 8 ރަށެއްގެ، އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ގޮނޑި އާއި އެއް ކައުންސިލް ގޮނޑި ކާމިޔާބުކޮށްފައިވާ ކަމަށެވެ.

Advertisement

މި އިންތިހާބުތަކުގެ ނަތީޖާއިން ދައްކުވައިދެނީ ރައްޔިތުންގެ ތާއީދު ރައީސް ޑރ. މުހައްމަދު މުއިއްޒަށް އޮތް މިންވަރު ކަމަށް ޝުޖާއު ވިދާޅުވި އެވެ.

އިލެކްޝަންސް ކޮމިޝަނުން ބުނި ގޮތުގައި، މިއަދު ބޭއްވި އިންތިހާބުތަކުގައި 6،275 މީހުން ވޯޓުލި އެވެ. އެއީ ޝަރުތު ހަމަވާ މީހުންގެ 55.4 ޕަސެންޓެވެ.