ރައީސް ޑރ. މުހައްމަދު މުއިއްޒު، ރައްޔިތުންގެ މަޖިލީހުގެ ރައީސް އަބްދުއްރަހީމް އާއި މިއަދު ބައްދަލުކުރައްވައިފި އެވެ.

ރައީސް މުއިއްޒާއި މަޖިލިހުގެ ރައީސް އަބްދުއްރަހީމް ބޭއްވެވި ބައްދަލުވުމާ ގުޅޭ ގޮތުން ރައީސް އޮފީހުގެ ތަރުޖަމާން ހީނާ ވަލީދު ވިދާޅުވީ، އެއީ ރައްޔިތުންގެ މަޖިލިހުގެ މި ދައުރަށް ސަރުކާރުން ފޮނުވި ބިލްތަކާ ގުޅޭ ގޮތުން މަޝްވަރާ ކުރައްވުމުގެ ބައްދަލުވުމެއް ކަމަށެވެ. އެ ބައްދަލުވުމުގައި ޕީއެންސީގެ ޕީޖީ ލީޑަރު އިބްރާހިމް ފަލާހު ވެސް ބައިވެރިވެވަޑައިގެންނެވި ކަމަށް ހީނާ ވިދާޅުވި އެވެ.

"މި ބައްދަލުކުރެއްވުމަކީ މިދިޔަ އަހަރުވެސް ކޮންމެ ދައުރެއްގެ ކުރީކޮޅު ކުރިއަށް ގެންދަވާފައިވާ ފަދަ މަޝްވަރާ ބައްދަލުވުމެއް،" ހީނާ ވިދާޅުވި އެވެ.

Advertisement

ރައީސް ޑރ. މުއިއްޒު އާއި އަބްދުއްރަހީމްގެ ގުޅުން ގޯސްވެފައިވާ ކަމުގެ އަޑުތައް ފެތުރިފައިވާއިރު، މިއީ އޭގެ ފަހުން ރައީސް އާއި އަބްދުއްރަހީމް ބައްދަލުކުރެއްވި ފުރަތަމަ ފަހަރެވެ.