04 އޭޕްރީލު 2025

Advertisement

ޙުސްނުއް ސުޢޫދު އިސްތިއުފާދެއްވައިފި

04 މާރިޗު 2025

ސުޕްރީމްކޯޓުގެ ފަނޑިޔާރުކަމުން އަލްއުސްތާޛު ޙުސްނުއްސުޢޫދު އިސްތިއުފާދެއްވައިފިއެވެ.

ސުޕްރީމް ކޯޓުގެ ފަނޑިޔާރުކަމުގެ މަޤާމުން ސުޢޫދު އިސްތިއުފާދެއްވާ އެކަން ބަޔާންކުރައްވާ ވަނީ ރައީސުލްޖުމްހޫރިއްޔާއަށް ސިޓީއެއް ފޮނުއްވާފައެވެ. އެސިޓިގައިވަނީ ކޯޓުތަކުގެ ޤާނޫނަށް ގެނައި އިޞްލާހާއި، އެކޯޓުގެ ބައެއް ފަނޑިޔާރުން ސަސްޕެންޑުކޮށްފައިވާކަން ބަޔާންކުރައްވާފައެވެ.

ދިވެހިރާއްޖޭގެ ކޯޓުތަކުގެ ޤާނޫނަށް މިމަހުގެ 26 ވަނަ ދުވަހު ގެނައި އިޞްލާހުގައިވަނީ ސުޕްރީމް ކޯޓުގެ ފަނޑިޔާރުންގެ ބެންޗުގައި ހިމެނިވަޑައިގަންނަވާ ފަނޑިޔާރުންގެ ޢަދަދު 7 އިން 5އަށް މަދުކުރުމަށެވެ. ރައީސުލްޖުމްހޫރިއްޔާ އެ އިޞްލާހު އަދި ތަސްދީޤު ނުކުރައްވައެވެ.

Advertisement

މީގެ އިތުރުން ޖުޑީޝަލް ސަރވިސް ކޮމިޝަން، ޖޭއެސްސީން ބަލަމުންދާ މައްސަލައަކާއި ގުޅިގެން ސުޕްރީމް ކޯޓުގެ ތިން ފަނޑިޔާރަކުވެސް ވަނީ ސަސްޕެންޑުކޮށްފައެވެ. އެއީ ފަނޑިޔާރު ޑޮކްޓަރ އަޒްމިރާލްދާ ޒާހިރާއި، ފަނޑިޔާރު އަލްއުސްތާޛު މަޙާޒު ޢަލީ ޒާހިރުގެ އިތުރުން ފަނޑިޔާރު އަލްއުސްތާޛު ޙުސްނުއްސުޢޫދެވެ. އެ ތިން ފަނޑިޔާރުން ސަސްޕެންޑުކޮށްފައިވަނީ އެ ފަނޑިޔާރުންނާ ގުޅޭގޮތުން ޖިނާއީ ތަޙްޤީޤެއް ކުރަމުންދާކަމަށް އެންޓި-ކޮރަޕްޝަން ކޮމިޝަން، އޭސީސީން، ޖޭއެސްސީއަށް އެންގުމާއި ގުޅިގެންނެވެ.

ސުޕްރީމް ކޯޓުގެ ފަނޑިޔާރުކަމަށް ޙުސްނުއް ސުޢޫދު އައްޔަންކުރައްވާފައިވަނީ 8 ޑިސެމްބަރު 2019 ވަނަ އަހަރުއެވެ. އެ މަޤާމަށް ސުޢޫދު ޢައްޔަންކުރެއްވީ ކުރީ ސަރުކާރުގައި އުފެއްދެވި، މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީޤުކުރާ ކޮމިޝަނުގެ ރައީސްގެ މަޤާމުގައި ހުންނަވަނިކޮށެވެ.

Advertisement

ކޮމެންޓް