އެމްއެމްޕީއާރްސީގެ ހިޔާނާތާއި ގުޅިގެން މި ސަރުކާރުގެ ޔޫތު މިނިސްޓަރު އަހްމަދު މަހްލޫފުގެ މައްޗަށް ދައުލަތުން އުފުލާފައިވާ ދައުވާ ޕްރޮސިކިއުޓަރު ޖެނެރަލް (ޕީޖީ) އޮފީހުން އަނބުރާ ގެންގޮސްފިއެވެ.

މަހުލޫފަށް ދައުވާ ކުރަނީ މަޖިލީހުގެ މެމްބަރުކަމުގައި ހުންނަވައި ސްޕެޝަލް އިކޮނޮމިކް ޒޯން ބިލަށް ތާއީދުކޮށް ވޯޓު ދިނުމުގެ މުގާބިލުގައި، އޭރުގެ ޓޫރިޒަމް މިނިސްޓަރު އަހުމަދު އަދީބު، އެސްއޯއެފްގެ ނަމުގައި ބޭންކް އޮފް މޯލްޑިވްސްގައި ހުޅުވާފައިވާ އެކައުންޓުގެ ޗެކުން އޭނާއަށް ދިން 33،000 ޑޮލަރު، އޭނާގެ ނަމުގައި ބޭންކް އޮފް މޯލްޑިވްސް ގައި ހުޅުވާފައިވާ އެކައުންޓަށް ޖަމާކޮށް، ރިޝްވަތު ހިފާފައިވާ ކަމަށް ތުހުމަތުކޮށެވެ.

މި މައްސަލަ އަނބުރާ ގެންގޮސްފައި ވަނި އެކަށީގެންވާ މިންވަރަަށް ހެކި ނެތުމުންނެވެ. ޕީޖީ އޮފީހުން ބުނީ މިހާރު ހުށަހެޅިފައި ހުރި ހެކިތަކަށް ބަލާއިރު މި މަައްސަލަަ ސާބިތުވާނެ ކަމަށް ނުފެންނަަ ކަމަށެވެ.

Advertisement

ނަމަވެސް، ކްރިމިނަލް ކޯޓުން ބުނީ މަހުލޫފުގެ މައްޗަށް އުފުލާފައިވާ ދައުވާ އަނބުރާ ފޮނުވާލުމަށް އަދި އަންގާފައި ނުވާ ކަމަށެވެ.

މަހުލޫފުގެ މަައްސަލަ ތަހުގީގަށް ފަހު ޕީޖީ އޮފީހަށް ފޮނުވުމާ އެކު އޭނާ ސަަސްޕެންޑު ކުރި ނަމަަވެސް ދައުވާކުރުން ލަސްވުމުގެ ސަބަބުން ސަސްޕެންޝަން ވަނީ އުުވާލާފަ އެވެ. މި މައްސަަލަ އާއި ގުޅިގެން ފަހުންް ތާވަލު ކުރެވުނު ގިނަަ އަޑުއެހުންތަކެއް އެކި ސަބަަބުތަަކާއި ގުޅިގެން ކެންސަލްވި އެވެ