ރަސްމީ ދަތުރުފުޅެއްގައި އެމެރިކާއަށް ކުރެއްވި ދަތުރުފުޅަށް ފަހު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރާއްޖެ ވަޑައިގެންނެވުމުގެ ކުރިން އިންޑިއާގެ ވެރިރަށް ނިއުދިއްލީއަށް ވަޑައިގެން އަދި މިހާރު ލަންކާއަށް ވަޑައިގަންނަވައިފި އެވެ.

މި މަހުގެ 13 ވަނަ ދުވަހު ރައީސް ނަޝީދު އެމެރިކާއަށް ވަޑައިގެންނެވީ އިންޓަނޭޝަނަލް މަނިޓަރީ ފަންޑް (އައިއެމްއެފް) އާއި ކްލައިމެޓް ވަލްނަރަބަލް ފޯރަމް އާއި ގުޅިގެން ބާއްވާ ވަލްނަރަބަލް 20 (ވީ20) ގެ މާލީ ވަޒީޒުންގެ 10 ވަނަ ބައްދަލުވުމުގައި ބައިވެރިވެވަޑައިގަތުމަށެވެ. މިބައްދަލުވުން މިމަހުގެ 17 ގައު ވަނީ ނިމިފައެވެ.

އެމެރިކާ ދަތުރުފުޅަށް ފަހު ރައީސް ނަޝީދު އިންޑިއާގެ ވެރިރަށް ނިއުދިއްލީއަށް ވަޑައިގެން އިންޑިއާގެ އިސް އޮފިޝަލުންނާއި ބައްދަލުކުރެއްވިކަމަށް މައުލޫމާތު ލިބުނު ނަމަވެސް އެކަމާގުޅޭ އެއްވެސް އިތުރު މައުލޫމާތެއް މިހާތަނަށް ލިބިފައެއް ނުވެއެވެ.

Advertisement

އިންޑިއާއަށް ފަހު ރައީސް ނަޝީދު ސްރީލަންކާއަށް ވަޑައިގެން އެގައުމުގެ ރައީސް ރަނިލް ވިކްރަމަ ސިންހައާއާ ވަނީ ބައްދަލުކުރައްވާފައެވެ.