އިތުބާރުހުރި ފަރާތަކުން މައުލޫމާތު ދިން ކަމަށް ބުނެ "ރާއްޖެއެމްވީ" އިން ބުނެފައިވަނީ ފުށިދިއްގަރުފަޅުގެ މަޝްރޫއު ބަޖެޓުގައި ނުހިމެނި ނަމަވެސް މިސަރުކާރުން ނިންމާފައިވަނީ އެމަޝްރޫއު ކުރިއަށް ގެންދިއުމަށް ކަމަށާއި އަދި ހުޅުމާލެ ފޭސް-ތިނަކުން ބިން ލިބިފައިވާ މީހުންނަށް ފުށިދިއްގަރުފަޅުން ބިން ދޫކުުރުމަށް ނިންފައިވާ ކަމަށާއި، އެބިންތައް ފުށިދިއްގަރުފަޅަށް ބަދަލު ކުރާގޮތަށް ޕްލޭން ކުރުމަށް އަންގާފައިވާ ކަމަށެވެ.

އެކަމާއި ގުޅިގެން އެ ހަބަރުގެ ސްކްރީންޝޮޓެއް "އެކްސް"ގައި ހިއްސާ ކުރައްވަމުން ފަޒުލް ވިދާޅުވީ، އެޗްޑީސީން ހުޅުމާލެ ތިނަކުން ބިން ލުބުނު ފަރާތްތަކުގެ ބިން ފުށިދިއްގަރުފަޅަށް ބަދަލު ކުރުމަށް ނިންމި ވާހަކައަކީ ހަގީގަތާއި ހިލާފު ވާހަކައެއް ކަމަށެވެ.

"އެޗްޑީސީން ހުޅުމާލެ ތިނަކުން ބިން ލުބުނު ފަރާތްތަކުގެ ބިން ފުށިދިއްގަރުފަޅަށް ބަދަލު ކުރުމަށް ނިންމި ވާހަކައަކީ ހަގީގަތާއި ހިލާފު ވާހަކައެއް" ފަޒުލް ވިދާޅުވިއެވެ.

Advertisement

ފުށިދިއްގަރުފަޅަކީ މި ސަރުކާރުގެ ބޯހިޔާވަހިކަމުގެ މަޝްރޫއުތަކުގެ ތެރެއިން އެންމެ ބޮޑު އެއްމަޝްރޫއެވެ. އެ މަޝްރޫއަށްވާ ފައިސާ ހިމަނައިގެން ބަޖެޓް ހުށަހެޅި ނަމަވެސް ބަޖެޓް ކޮމިޓީން ވަނީ އެ މަޝްރޫއަށްވާ ފައިސާ އެހެން މަޝްރޫއުތަކުގައި ހިމަނައިގެން ބަޖެޓް ފާސްކޮށްފައެވެ. އަދި މިއަދު މަޖިލީހުން ވެސް ވަނީ އެ ބަޖެޓް ފާސްކޮށްފައެވެ.