ހަންގޭރީގައި ކިޔަވަވަން ރާއްޖެ އަށް ލިބުނު ސްކޮލަޝިޕްތަކަކަށް ކުރިމަތިލާން ހުޅުވާލައިފި އެވެ.

އެ ގައުމުގެ ސަރުކާރުން ކުރިއަށް ގެންދާ "ސްޓައިޕެންޑިއަމް ހަންގޭރިކަމް ސްކޮލާޝިޕް" ޕްރޮގްރާމުގެ ދަށުން ރާއްޖެ އަށް 25 ފުރުސަތު ލިބިފައިވާ ކަމަށް ހަޔާ އެޑިއުކޭޝަން، ލޭބާ އެންޑް ސްކިލްސް ޑިވެލޮޕްމެންޓް މިނިސްޓްރީން ބުންޏެވެ. މިއީ އަންޑަ ގްރެޖުއޭޓުން ފެށިގެން ޕީއެޗްޑީއާ ހިސާބަށް ކިޔެވުމުގެ ފުރުސަތު ލިބޭ ސްކޮލަޝިޕްތަކެވެ.

އެގޮތުން މި ފަހަރު ސްކޮލާޝިޕްގެ ފުރުސަތު ހުޅުވާލާފައި ވަނީ އަށް ބެޗްލާސް ޑިގްރީ އާއި 14 މާސްޓާސް ޑިގްރީގެ އިތުރުން ތިން ޕީއެޗްޑީގެ ފުރުސަތަށެވެ. ސްކޮލާޝިޕްތަކަށް ކުރިމަތިލުމުގެ ފުރުސަތު ހުޅުވާލާފައި ވަނީ އަންނަ މަހުގެ 15 އާ ހަމައަށެވެ. ދުވަހުގެ ނިޔަލަށެވެ.

Advertisement

މިދިޔަ އަހަރު ވެސް ހަންގޭރީން ރާއްޖެ އަށް 25 ސްކޮލަޝިޕް ދިނެވެ.