ހުޅުމާލޭގައި މިއަދު ހިނގި ނުރައްކާތެރި އެކްސިޑެންޓެއްގައި ޓެކްސީ ޑްރައިވަރަކު ނިޔާވެއްޖެއެވެ.

މަޢުލޫމާތު ލިބިފައިވާ ގޮތުގައި ނިޔާވެފައިވަނީ އުމުރުން 65 އަހަރުގެ ދިވެހި ފިރިހެނަކެވެ. އޭނާ އަކީ އަވަސް ރައިޑްގެ ޓެކްސީ ޑްރައިވަރެކެވެ. އޭނާ ހޮސްޕިޓަލަށް ގެންދިޔައިރުވެސް ވަނީ ނިޔާވެފައެވެ.

މި އެކްސިޑެންޓް ހިނގާފައިވަނީ ހުޅުމާލޭ 2 ވަނަ ފޭސްއަށް އަރަން ދިޔަ ދެ ކާރު ޖެހި އެއް ކާރު ކޮންޓްރޯލް ނުވެ ގޮސް އެ މަގުގައި ބަހައްޓާފައި ހުރި ޑިވައިޑަރުތަކުގައި ޖެހިގެންނެވެ.

Advertisement

މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.