ސިވިލް ސާވިސްގައި މަސައްކަތްކުރާ މީހަކު އާންމު އިންތިހާބެއްގައި ވާދަކުރާ ނަމަ، އެ އިންތިބެއްގެ ހަ މަސް ކުރިން މަގާމުން ވަކިވާން ޖެހޭނެ ކަމަށް އިލެކްޝަން ކޮމިޝަން (އީސީ) ގެ ނައިބު ރައީސް ވިދާޅުވި އެވެ.

އަންނަ އަހަރު މަޖިލިސް އިންތިހާބު ބާއްވަން ތައްޔާރީތައް ވަމުން އަންނަ އިރު، ހަބީބު ސޯޝަލް މީޑިއާ ޕޯސްޓެއްގައި ވިދާޅުވީ ގާނޫނުއަސާސީގައި ބަޔާންކޮށްފައިބާ ޢާންމު އިންތިހާބެއްގައި ވާދަކުރުމަށް ގަސްދުކުރާ، ސިވިލް ާވިސްގެ މުވައްޒަފުން، އެ އިންތިހާބެއް ބާއްވާ ތާރީޚުގެ މީލާދީ ހަ މަސްދުވަސް ކުރިން، އެ މުވައްޒަފަކު ހުރި ވަޒީފާއިން އިސްތިއުފާ ދޭން ޖެހޭނެ ކަމަށެވެ.އަދި މަގާމުން އިސްތިޢުފާ ނުދީ އިންތިހާބަކަށް ކުރިމަތިލައިފި ނަމަ އެ މުވައްޒަފަކު ހުރި ވަޒީފާއިން ވަކިކުރެވޭނެ ކަމަށް ސިވިލް ސާވިސް ގާނޫނުގައި ވެސް ބަޔާންކުރާ ކަމަށް ވިދާޅުވި އެވެ.

ހަބީބު ވިދާޅުވީ ސިވިލް ސާވިސް ގާނޫނުގައި އެ ގޮތަށް އޮތަސް، ހައި ކޯޓުން އެކަމަށް ފަރުވާއެއް ދީފައިވާ ކަމަށެވެ.

Advertisement

"ރައްޔިތުންގެ މަޖިލީހުގެ އިންތިޚާބުގައި ވާދަކުރާ ސިވިލް ސވިސްގެ މުވައްޒަފަކު އިންތިހާބުގައި ވާދަކޮށް ނުހޮވުނަސް، ލޯކަލް ކައުންސިލްތަކުގެ އިންތިޚާބުގައި ވާދަކުރާ ކެންޑިޑޭޓުންނަށް އޮންނަ ފަދައިން، އަލުން އަނބުރާ ކުރިންހުރި ވަޒީފާއަށް އައުމުގެ ފުރުސަތެއް ނޯންނާނެ،" އޭނަ ވިދާޅުވި އެވެ. "ސިވިލް ސާވިސްގެ ވަޒީފާއެއްގައި އުޅުން ނުވަތަ ނޫޅުން، އާންމު އިންތިހާބުތަކުގައި ބައިވެރިވުމުގެ ޝަރުތަކަށް އިލެކްޝަންސް ކޮމިޝަނުން ނުބަލާނެ. ނަމަވެސް، ސިވިލް ސާވިސްގެ މުވައްޒަފުން ސިވިލް ސާވިސްގެ ގާނޫނަށް އަމަލު ކުރޭތޯ ނުވަތަ ނޫންތޯ ސިވިލް ސާވިސް ކޮމިޝަނުން ބަލާނެ."

ހަބީބު ވިދާޅުވީ ސިވިލް ސާވިސްގެ މުވައްޒަފުން ދެ އިންތިހާބެއްގައި ދެ ގޮތަކަށް ޢަމަލު ކުރަން ޖެހުމުން، ބައެއް ފަހަރު މުވައްޒަފުންނަށް އޮޅޭގޮތް ވާ ކަމަށެވެ.

"މިއީ، ގާނޫނު ހަދާ މަޖިލީހުން ވިސްނާވަޑައިގަންނަވަން ކަމު ހިނގައި ދާނެ ނުކުތާއެއް. ގާނޫނު އަސާސީން ލިބިދޭ އަސާސީ ޙައްޤުތައް ލިބިދިނުމުގައި ހުރި ތަފާތުތަކާ މެދު، ދައުލަތުގެ ބަންޑާރަ ނައިބާއި، ގާނޫނު ހަދާ މަޖިލީހުން މާ ބޮޑަށް ވެސް ވިސްނާވަޑައިގަންނަވާނެކަމީ ޝައްކެއް އޮތް ކަމެއް ނޫން." އޭނަ ވިދާޅުވި އެވެ.