ލޯކަލް ގަވަމަންޓް އޮތޯރިޓީ (އެލްޖީއޭ)ގެ ސީއީއޯގެ މަގާމަށް ޑރ. މަރިޔަމް ޒުލްފާ މިއަދު އައްޔަން ކުރައްވައިފިއެވެ.

ޒުލްފާ ސީއީއޯގެ މަގާމަށް، ރައީސް ޑރ މުހައްމަދު މުހައްމަދު މުއިއްޒު އައްޔަންކުރެއްވީ މިއަދުއެވެ.

އެލްޖީޢޭ އަށް ސީއީއޯ އަކު އައްޔަންކޮށްފައި މިވަނީ ކުރިން އެ މަގާމު ގައި ހުންނެވި އަފްޝަން ލަތީފް މަގާމުން އިސްތިއުފާ ދެއްވިތާ ހަތް މަސް ފަހުންނެވެ. އެލްޖީއޭގެ ސީއީއޯކަމުން އަފްޝަން އިސްތިއުފާ ދެއްވީ މޭ 15 ގައެވެ.

Advertisement

މަގާމަށް އައްޔަން ކުރެއްވުމާ ހަމައަށް ޒުލްފާ ހުންނެވީ އޮސްޓްރޭލިއާގެ މެލްބަންގެ ޑިޕާޓްމަންޓް އޮފް އެނާޖީ، އެންވަޔަރަންމަންޓް އެންޑް ކްލައިމެޓް އެކްޝަންގެ ނޭޝަނަލް ޕާކްސް އެޑްވައިޒަރީ ކައުންސިލްގެ ބޯޑު މެމްބަރެއްގެ ގޮތުގައެވެ.ޒުލްފާ ވަނީ އޮސްޓްރޭލިއާގެ ކާޓިން ޔުނިވާސިޓީގެ ކާޓިން ބިޒްނަސް ސްކޫލުން ޑޮކްޓަރ އޮފް ފިލޯސަފީ (ޕީއެޗްޑީ) ހާސިލްކުރައްވާފައެވެ. އޮސްޓްރޭލިއާގެ ޔުނިވާސިޓީ އޮފް މެލްބަން އިން މާސްޓާސް އޮފް ޕަބްލިކް އެންޑް އިންޓަނޭޝަނަލް ލޯ (އެލްއެލްއެމް) ހާސިލްކުރެއްވުމުގެ އިތުރުން ނިއުޒިލޭންޑްގެ ވައިކާޓޯ ޔުނިވާސިޓީން މާސްޓާސް އޮފް ބިޒްނަސް އެޑްމިނިސްޓްރޭޝަން (އެމްބީއޭ) ހާސިލްކުރައްވާފައިވެއވެެ.

ކުރީގެ ރައީސް މުހައްމަދު ނަޝީދުގެ ސަރުކާރުގައި ޓޫރިޒަމް މިނިސްޓަރުކަމުގެ މަގާމު އަދާކުރެއްވި ޒުލްފާ ސަރުކާރުގެ ވެރިކަންކުރާ ޕާޓީ، ޕީއެންސީއާ ގުޅިވަޑައިގެންނެވީ ނޮވެމްބަރު މަހުއެވެ.