ޕެންކްރިއަސްއަކީ ހަށިގަނޑުގެ ތެރޭގައި، ބަނޑާ ދިމާލުން ތިރީގައި އިންނަ ކެރެޓު ބައްޓަމެއް ލިބިގެންވާ ގްލޭންޑަކަށް ކިޔޭ ނަމަކެވެ. ޕެންކްރިއަސްގެ އެއްކޮޅު ހަށިގަނޑުގެ ކަނާތް ފަރާތުގައި އިންނައިރު، އެ ކޮޅު ގުޅިފައި ހުންނަނީ ގަޓް އާއެވެ. ހަމައެއާއެކު، ޕެންކްރިއަސްގެ އަނެއް ކޮޅު އޮންނާނީ ހަށިގަނޑުގެ ވާތް ފަރާތުގައި، ސްޕްލީންގައި ޖެހިފައެވެ.

ޕެންކްރިއަސް އުފެދިގެންވަނީ އެކްސޯކްރައިން ޓިޝޫ ނަމަކަށްކިޔޭ ސަބްސްޓެންސްއަކުންނެވެ. މި އެކްސޯކްރައިން ޓިޝޫއަކީ އެތަކެއް ސަތޭކަ ހޯމޯން ގްލޭންޑްސްއަކާ އެކުވެފައި ހުންނަ އެއްޗެކެވެ. އެކްސޯކްރައިން ޓިޝޫއާ އެކުވެފައި ހުންނަ ހޯމޯން ގްލޭންޑްސްއަށް ކިޔާ ނަމަކީ އައިލެޓްސް އޮފް ލަންގަހަންޒްއެވެ.

އައިލެޓްސް އޮފް ލަންގަހަންޒްއަކީ އެއިން ހަށިގަނޑަށް ނުހަނު މުހިއްމު ދެ ހޯމޯނެއް ބޭރުކުރާ އެއްޗެކެވެ. މި ދެ ހޯމޯނަކ އިންސިއުލިން އާއި ގްލޫކަގޮންއެވެ. މި ދެ ހޯމޯނަކީ ހަށިގަނޑުގެ ބްލަޑް ޝުގަރ ލެވަލްސް ހިފެހެއްޓުމުގައި އެހީވެދޭ އެއްޗެކެވެ.

Advertisement

ގޮހޮރު ތެރެއަށް އެތެރެވާ ކާ އެއްޗެހި ހަޖަމުކުރުމުގައި އެހީތެރިވެދިނުމުގެ ގޮތުން އެކްސޯކްރައިން ޓިޝޫއިން ޕެންކްރިއޭޓިކް އެންޒައިމްސް ރިލީޒްކުރުއެވެ. އެކްސޯކްރައިން ޓިޝޫއިން ރިލީޒްކުރާ ޕެންކްރިއޭޓިކް އެންޒައިމްސްގެ ތެރޭގައި އެމިއުލޭޒް ފަދަ އެންޒައިމްސް ހިމެނެއެވެ. އެމިއުލޭޒްއިން ކާބޯހައިޑްރޭޓްސް ބައިބައިކުރުމުގައި އެހީވެދެއެވެ.

ޕެންކްރިއޭޓިކް އެންޒައިމްސް ގޮހޮރުގެ ތެރެއަށް އެތެރެވަނީ ޕެންކްރިއޭޓީކް ޑަކްޓް ކިޔާ ޕައިޕެއް ތެރެއިން ލާފައެވެ. ޕެންކްރިއޭޓީކް ޑަކްޓް ހުންނަނީ ބައިލް ޑަކްޓާ ގުޅިފައެވެ. މި ޑަކްޓަކީ އޭގެ ތެރެއިން ބައިލްވެސް ދައުރުކުރާ ޑަކްޓެކެވެ. ޕެންކްރިއޭޓިކް އެންޒައިމްސް އޭގެ މަސައްކަތް ފަށަނީ ގޮހޮރު ތެރޭގައި ހުންނަ އެހެނިހެން ބާވަތްތަކުގެ އެންޒައިމްސްއާ ދިމާވުމުންނެވެ.

ބަނޑުގައި ރިއްސާ ރިއްސުން ކަނޑުވާލުމަށް ޓަކައި ޕެންކްރިއަސްއިން ހަށިގަނޑުގެ އެންޓަސިޑް ކަމުގައިވާ ސޯޑިއަމް ބަޔޯކާބޮނޭޓް ބޭރުކުރެއެވެ.