ޗުއްޓީ ދުވަސްވަރާ ދިމާކޮށް އެކި ރަށްރަށަށް ދަތުރުކުރާ ފަރާތްތައް އިންތިހާއަށް ގިނަވުމުން، ކަނޑުއުޅަނދު ފަހަރުތަކުގެ ސަލާމަތީކަންކަން ދެމެއްޓުމައި ކަނޑުއުޅަނދު ފަހަރު ބަލައިފާސްކުރުމުގެ ހާއްސަ ހަރަކާތްތަކެއް ކުރިޔަށްގެންދަން ފަށާފައިވާކަމަށް ފުލުހުން ބުނެފިއެވެ.

ފުލުހުން ބުނެފައިވާ ގޮތުގައި އެ ހަރަކާތްތައް ފަށާފައިވަނީ މިދިޔަ އަންގާރަދުވަހުއެވެ. ފުލުހުންގެ ޑިޕާޓްމަންޓެއްކަމަށްވާ މެރިން އިންވެސްޓިގޭޝަން ޑިޕާރޓްމަންޓުން ކުރިއަށް ގެންދާ މި ހަރަކާތުގައި، މާލެއަށް މުދަލާއިއެކީ އަންނަ އޮޑިދޯނިފަހަރާއި މާލެއިން ފުރައް ތައްޔާރުކޯށްފައިހުންނަ ދޯނިތައް ބަލާފާސްކުރަމުންދާކަމަށް ފުލުހުން މައުލޫމާތު ދީފައިވެއެވެ.

އެގޮތުން، އެ އުޅަނދުތަކުގެ ސަލާމަތީ ކަންކަން ފުރިހަމަނުވެ ހުރިނަމަ، ފުރުމުގެ ކުރިން އެކަންކަން ރަނގަޅުކުރުމަށް އަންގާ، ސަލާމަތީ ކަންކަމާބެހޭ މައުލޫމާތު އެ އުޅަނދެއްގެ ކައްޕިއަށް ދެވިގެންދާނެކަމަށް ފުލުހުން ބުނެފައިވެއެވެ.

Advertisement

އަދި މީގެ އިތުރުން، އެ ހަރަކާތްތަކުގެ ތެރެއިން އޮޑިދޯނި ފަހަރުގައި އުފުލާ ރައްޔިތުންގެ މުދާ ރައްކާތެރިކަމާއިއެކު، މަންޒިލަށް ވާސިލްކުރުމަށް ހެދިފައިވާ ގާނޫނުތަކާއި އެއްގޮތައް އެ އުނޅަދުގެ ކަންކަން ބައްޓަންކޮށްފައިހުރިތޯއާއި، ފަސިންޖަރުންގެ ކެޕޭސިޓީއަށޤވުރެއް އިތުރުވޭތޯ ބަލައެވެ. އަދި، އެކަންކަމަށް ފަރުވާތެރިވުމަކީ ކޮންމެހެން މުހިއްމު ކަމެއްކަން ފުލުހުން ވަނީ ފާހަގަކޮށްފައެވެ.