ޒަމާނީ ފެންވަރަށް ތަރައްގީ ކުރަމުންދާ އަމީނީ މަގުގެ ފަހު 2 ސެގްމަންޓްގެ ތާރުއެޅުމުގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަން އާރްޑީސީން ނިންމާލައިފިއެވެ.

އާރުޑީސީން މި މަސައްކަތް ނިންމާލާފައިވަނީ 28 ދުވަހުންނެވެ.

އާރްޑީސީން ބުނީ ފަހު ދެ ސެގްމަންޓުގައި ތާރު އަޅާ ނިމުނު ކަމުގައި ވީނަމަވެސް މަގުމަތީގައި ކުރަހަންޖެހޭ ނިޝާންތައް ކުރަހާ މަގު އާންމުކޮށް ހުޅުވާލެވޭނީ މިހަފްތާގެ ފަހުކޮޅު ނުވަތަ އަންނަ ހަފްތާގެ ކުރީކޮޅުކަމަށެވެ.

Advertisement

އަމީނީ މަގު ތާރު އެޅުމުގެ މަސައްކަތް އެއްކޮށް ނިންމާލާފައިވާ އިރު ސަރުކާރުން ވަނީ މާލޭގެ ހުރިހާ މަގެއް ހިމެނޭހެން ތާރުއަޅައިގެން ޒަމާނީ ފެންވަރަށް ތަރައްޤީކުރެއްވުމަށް ނިންމަވާފައެވެ. އަދި ފެން ހިންދާ ނިޒާމުވެސް މަރާމާތުކޮށް ރަނގަޅުކުރުމަށްވެސް ސަރުކާރުން ނިންމަވާފައިވެއެވެ.

އަމީނީ މަގު ތަރައްޤީކުރުމުގެ މަސައްކަތް އާރުޑީސީއާ ޙަވާލުކޮށްފައިވަނީ 84.4 މިލިޔަން ރުފިޔާ އަށެއެވެ.