މިހާރު ކުރިއަށްދާ ދީރާސީ އަހަރު އަންނަ އެޕްރީލް މަހުގެ 30 އަށް ނިންމާލައި، ދިރާސީ އާ އަހަރުގެ ކިޔެވުން މެއި 26 ގައި ފަށަން އެޑިއުކޭޝަން މިނިސްޓްރީން ނިންމައިފި އެވެ.

އެ މިނިސްޓްރީން މިހާރު ނިންމާފައި އޮތީ ފަސް ސެމިސްޓަރަށް ބަހާލައިގެން ދިރާސީ އަހަރަށް ބަދަލު ގެންނާށެވެ. އެގޮތުން ކުރިއަށް އޮތް ދިރާސީ އާ އަހަރު މެއި 26 ގައި ފަށައި، ފެބުރުއަރީ 20، 2025 ގައި ދިރާސީ އަހަރު ނިންމައިލާނެ އެވެ. އަދި އަންނަ އަހަރު ދިރާސީ އަހަރު ކުރިއަށް ގެންދާނީ ދާނީ މާޗް 9 އިން ޑިސެމްބަރު 20 އަށެށެވެ.

އެހެންވެ އަންނަ އަހަރުގެ ޑިސެމްބަރު މަހު ބޮޑު ޗުއްޓީއަށް ފަހު، ސްކޫލްތައް ހުޅުވޭނީ 2026 ގެ ޖެނުއަރީގަ އެވެ.

Advertisement

ރާއްޖޭގައި ކުރިން ވެސް ދިރާސީ އަހަރު ފަށަނީ ޖެނުއަރީގަ އެވެ. އެކަމަކު އަހަރުގެ މެދުތެރެއަށް އެކަން ބަދަލުކުރީ ކޮވިޑާ ވިދިގެން ތައުލީމީ ދާއިރާ އަށް ގެނައި ބަދަލުތަކުގައި 2021 ގަ އެވެ. ނަމަވެސް އެ ބަދަލާ ގުޅިގެން ގިނަ ބަޔަކު މިހާތަނަށް ކަންބޮޑުވުން ފާޅުކުރަމުން ގޮސްފައިވެ އެވެ.

އެހެންވެ ދިރާސީ އަހަރު ޖެނުއަރީ އަށް އަލުން ބަދަލު ކުރުމަކީ މިހާރުގެ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.