ކުޑަކުއްޖަކަށް ޖިންސީ ގޯނާކުރުމުގެ ތުހުމަތުގައި ދައުވާކޮށް، ޝަރީއަތް ނިމެންދެން ބަންދުކޮށްފައި ހުރި ފިލްމީ ތަރި މުހައްމަދު ޔުނާން ދޫކުރި މައްސަލަ އިސްތިއުނާފު ކުރުމުން ބަންދުން ދޫކުރި މައްސަލަ ބާތިލުކޮށް، އޭނަ އަލުން ބަންދުކުރުމާ ގޮތެއް ނިންމުމަށް ހައި ކޯޓުން އަމުރުކޮށްފި އެވެ.

ޝަރުތުތަކާ އެކީ ހުޅުމާލެ ކޯޓުން އޭނަ ބަންދުން ދޫކުރީ މިދިޔަ މަހުގެ 14 ގަ އެވެ. އަދި އެ މައްސަލަ ޕްރޮސެކިއުޓަ ޖެނެރެލް (ޕީޖީ) އޮފީހުން ހައި ކޯޓްގައި އިސްތިއުނާފުކުރީ މިދިޔަ މަހުގެ 18 ގަ އެވެ.

އޭނަ އަލުން ބަންދުކުރަން ހައި ކޯޓުން އަމުރުކުރީ މިއަދެވެ.

Advertisement

އުމުރުން 15 އަހަރުގެ ފިރިހެން ކުއްޖަކާ ގަދަކަމުން ބަދުއަހުލާގީ އަމަލު ހިންގި ކަމަށް މައްސަލައެއްގައި ޔުނާން އާއި އޭނަގެ އަންހެނުން ފާތުމަތު ރިހުލާ ހައްޔަރުކުރީ އޮކްޓޯބަރު 4، 2020 ގަ އެވެ.

އެ މައްސަލާގައި އެ ދެމަފިރިން ޝަރީއަތް ނިމެންދެން ބަންދު ކުރިތާ ދެ އަހަރު ފަހުން މިދިޔަ މާޗް މަހު ރިހުލާ ވަނީ ގޭބަންދަށް ބަދަލުކޮށްފަ އެވެ. އެ މައްސަލާގައި ޔުނާންގެ މައްޗަށް ނުވަ ދައުވާއެއް އުފުލާފައިވާ އިރު، ރިހުލާގެ މައްޗަށް ފަސް ދައުވާއެއް ކުރެ އެވެ.

ޔުނާން އަކީ 2017 ގެ ފިލްމު "ބޮސް" އިން މަޝްހޫރުވި އެކްޓަރެކެވެ.