ފިރިހެނަކު މޫނު ބުރުގާ އަޅައިގެން މާލޭގެ ފިހާރައަކަށް ވަދެ، 67،500 ރ. ގެ ގަޑިއެއް ވަގަށް ނެގި މައްސަލައެއްގައި ހައްޔަރުކޮށްފި އެވެ.

އެ މައްސަލައިގައި ފުލުހުން ހައްޔަރުކުރީ އައްޑޫ ހުޅުދޫ، އަބުލަޣީގެ މުހައްމަދު ސިމާދު، 47، އެވެ.

އޭނަގެ މައްޗަށް ފުލުހުން ކުރަނީ 67،500ރ. ގެ އަގުހުރި "އޮމެގާ" ބްރޭންޑްގެ ގަޑިއެއް ވަގަށް ނެގިކަމުގެ ތުހުމަތެވެ. ކޯޓުގައި ފުލުހުން ބުނެފައި ވަނީ ގަޑި ވަގަށް ނެގީ ތިން މީހަކު ގުޅިގެން ކަމަށެވެ.

Advertisement

ސިމާދުގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ބަންދަށް އިއްޔެ ވަނީ 15 ދުވަސް ޖަހައިފަ އެވެ. ކޯޓު އަމުރުގައިވާ ގޮތުން ފިހާރަ އިން ވައްކަންކުރީ ސިމާދު ސިފަ ނޭނގޭ ގޮތަށް މޫނު ބުރުގާ އަޅައިގެން ވަދެ އެވެ.