އިންޑޯ-ޕެސިފިކަކީ އިންޑިއާ ކަނޑާއި ޕެސިފިކް ކަނޑުގެ ދެ ސަރަހައްދެއްގައި ހިމެނޭ ޖިއޯޕޮލިޓިކަލް ސަރަހައްދެކެވެ. އެމެރިކާގެ ހުޅަނގު އައްސޭރިން ފެށިގެން އިންޑިއާގެ ހުޅަނގު އައްސޭރިއަށް ދެމިފައިވާ އިންޑޯ-ޕެސިފިކަކީ އިންޑިއާ ކަނޑުގެ ޓްރޮޕިކަލް ވޯޓާސްއާއި ހުޅަނގާއި މެދުތެރޭ ޕެސިފިކް ކަނޑުގެ ޓްރޮޕިކަލް ވޯޓާސްއާ، އެ ދެ ޤައުމު ގުޅުވައިދޭ ކަނޑުތައް ހިމެނޭ 24 ގައުމުގެ ސަރަހައްދީ އޮނިގަނޑެކެވެ. އެއީ އިންޑޮނޭޝިއާ ވަށައިގެންވާ އާންމު ސަރަހައްދެވެ. އިންޑޯ-ޕެސިފިކްގެ ނަމުން މަޝްހޫރުވެފައިވާ ދުނިޔޭގެ މި ސަރަޙައްދަށް އިންޑޯ-ވެސްޓް ޕެސިފިކް ނުވަތަ އިންޑޯ-ޕެސިފިކް އޭޝިއާގެ ނަމުން ވެސް ބައެއް ފަރާތްތަކުން ކިޔާއުޅޭއުޅެއެވެ.

އިންޑޯ-ޕެސިފިކް ސަރަޙައްދުގެ ތެރޭގައި ސެންޓްރަލް އިންޑޯ-ޕެސިފިކާއި، އިރުމަތީ އިންޑޯ- ޕެސިފިކާއި ހުޅަނގު އިންޑޯ-ޕެސިފިކް ހިމެނެއެވެ.

ސެންޓްރަލް އިންޑޯ- ޕެސިފިކްގައި ހިމެނެނީ އިންޑޮނޭޝިއާގެ ޖަޒީރާތަކުގެ ވަށައިގެންވާ ކަނޑުތައް (ހުޅަނގު އިންޑޯ-ޕެސިފިކްގެ ބައެއް ކަމަށްވާ ސުމަޓްރާގެ ހުޅަނގު އުތުރު އައްސޭރި ފިޔަވައި)، ދެކުނު ޗައިނާ ކަނޑާއި، ފިލިޕީންސް ކަނޑާއި، އޮސްޓްރޭލިއާގެ އުތުރު އައްސޭރިއާއި، ނިއު ގިނީއާއި، ހުޅަނގާއި މެދުތެރޭ މައިކްރޯނީޝިއާއާއި، ނިއު ކެލެޑޯނިއާއާއި، ސޮލޮމަން އައިލެންޑްސްއާއި، ވަނުއާޓޫއާއި، ފިޖީއާއި، ޓޮންގާގެ ވަށައިގެންވާ ކަނޑުތަކެވެ.

Advertisement

ެންވަނީ މެދުތެރޭ ޕެސިފިކް ކަނޑުގައި އަލިފާންފަރުބަދަތަކުން އުފެދިފައިވާ ޖަޒީރާތަކެވެ. ހުޅަނގުގައިވާ މާޝަލް އައިލެންޑްސް އިން ފެށިގެން މެދުތެރެއާއި އިރުދެކުނު ޕޮލިނީޝިއާ މެދުވެރިކޮށް ހަވާއީ އާއި ހަމައަށް، ޗިލީގެ ހުޅަނގު އައްސޭރިއަށް ފުޅާވެފައެވެ. ވޯލްޑް ވައިޑް ފަންޑް ފޯ ނޭޗާ އިން ގަބޫލުކުރާ ގޮތުގައި މި ސަރަހައްދު ނިމޭނީ ޗިލީގެ އީސްޓާ އައިލެންޑާއި އިސްލާ ސަލާސް ވައި ގޮމޭޒް އަށެވެ. ނަމަވެސް ބައެއް ފަހަރު މި ސަރަހައްދު އިތުރަށް ފުޅާކޮށް ޗިލީގެ ޑެސްވެންޗުރާޑާސް އައިލެންޑްސް އާއި ޖުއާން ފަރްނާންޑޭޒް އައިލެންޑްސް ވެސް މި ސަރަޙައްދުގައި ހިމަނައެވެ.

ހުޅަނގު އިންޑޯ-ޕެސިފިކުގައި އިންޑިއާ ކަނޑުގެ ހުޅަނގާއި މެދުތެރޭގެ ބައި ހިމެނޭއިރު އެފްރިކާގެ އިރުމަތީ އައްސޭރިއާއި، ރަތް ކަނޑާއި، އަދަންގެ ކަނޑުގެ ސަރަހައްދާއި، ފާރިސީ ކަނޑުގެ ސަރަހައްދާއި، އަރަބި ކަނޑާއި، ބޭ އޮފް ބެންގަލް އަދި އަންޑަމަން ކަނޑު ވެސް ހިމެނެއެވެ. މި ސަރަޙައްދު ބަލަނީ ދިވެހިރާއްޖެއާއި، މަޑަގަސްކަރައާއި، ސީޝެލްސްއާއި، ކޮމޮރޯސްއާއި، މަސްކަރޭން އައިލެންޑްސްއާއި، ޗަގޯސް ޖަޒީރާގެ ވަށައިގެންވާ އައްސޭރިފަށުގެ ކަނޑުގެ ގޮތުގައެވެ.

އިންޑޯ-ޕެސިފިކް ރީޖަންގައި ހިމެނޭ 24 ޤައުމަކީ ދިވެހިރާއްޖެ، އޮސްޓްރޭލިއާ، ބަންގްލަދޭޝް، ބޫޓާން، ބުރޫނާއީ، ކެމްބޯޑިއާ، ފިޖީ، އިންޑިއާ، އިންޑޮނޭޝިއާ، ޖަޕާން، ލާއޯސް، މެލޭޝިއާ، މިޔަންމާ، ނޭޕާލް، ނިއުޒިލޭންޑް، ޕަޕްއާ ނިއު ގިނީ، ފިލިޕީންސް، ސިންގަޕޯރ، ސްރީލަންކާ، ޗައިނާ (ޓައިވާން)، ޓިމޯ ލެސްޓެ، ޔުނައިޓެޑް ސްޓޭޓް، ވިއެޓްނާމެވެ. ދުނިޔޭގެ އެންމެ ބޮޑު ބާރުކަމުގައިވާ އެމެރިކާއަކީ އިންޑޯ ޕެސިފިކް ބާރެކެވެ. ޕެސިފިކް އައްސޭރިފަށުން ފެށިގެން އިންޑިއާ ކަނޑާ ހަމައަށް ފުޅާވެފައިވާ މި ސަރަޙައްދަކީ ދުނިޔޭގެ ދެބައިކުޅަ އެއްބައި މީހުންނާއި، ދުނިޔޭގެ އިޤްތިޞާދުގެ ގާތްގަނޑަކަށް ތިންބައިކުޅަ ދެބައި މީހުންނާއި، ދުނިޔޭގެ ވަރަށް ބޮޑު ހަތް އަސްކަރިއްޔާއެއް ނިސްބަތްވާ ސަރަހައްދެކެވެ.

އިންޑޯ-ޕެސިފިކް ސްޓްރެޓެޖީ ވެފައިވަނީ އިންޑޯ-ޕެސިފިކްގައި އެމެރިކާއިން ގެންގުޅޭ ސިޔާސަތަކަށެވެ. މި ސިޔާސަތު ބިނާވެފައި އޮންނަ މައިގަނޑު ފޯކަސްއަކީ، ސަރަހައްދުގެ ތެރޭގައި އަދި ސަރަހައްދުން ބޭރުގައި، އެކުވެރިންނާއި، ބައިވެރިންނާއި، މުއައްސަސާތަކާ އެކު ދެމެހެއްޓެނިވި އަދި އުފެއްދުންތެރިކަމާ އެކު އެއްބާރުލުން ދިނުމެވެ.

އިޤްތިޞާދީ ގޮތުން ބަލާއިރު، އިންޑޯ-ޕެސިފިކަކީ ދުނިޔޭގެ ވިޔަފާރީގެ މަރުކަޒެކެވެ. މި ސަރަޙައްދަކީ ދުނިޔޭގެ އާބާދީގެ 65 އިންސައްތައެވެ. ދުނިޔޭގެ ޖީޑީޕީގެ 63 އިންސައްތައެވެ. ދުނިޔޭގެ މުދަލުގެ ވިޔަފާރީގެ 46 އިންސައްތަ ހިއްސާކުރާ ޤައުމުތައް ހިމެނޭ ސަރަޙައްދު ވެސް މެއެވެ.