ލޮނުމެދަކީ ގޭގޭގެ ބަދިގެތަކުގައި ވަރަށް އާންމު ކާއެއްޗެކެވެ. ލޮނުމެދަކީ އޭގެން ނުބައި ވަހެއް ދުވި ކަމަގައިވިޔަސް އަހަރުމެން ހީނުކުރާކަހަލަ އެތައް ފައިދާތަކެއް އޭގައި އެކުލެވޭ އެއްޗެކެވެ.

ލޮނުމެދަކީ ވިޓަމިންތަކާއި މިނަރަލްތަކުން މުއްސަނދި، ފައިދާހުރި ކާނާއެކެވެ. މީގެ ތެރޭގައި ވިޓަމިން ސީ، ވިޓަމިން ކޭ، އަދި ފޮލޭޓް ހިމެނެއެވެ. މީގެ އިތުރުން ލޮނުމެދުގައި އެންޓި-އޮކްސިޑެންޓްތަކާއި ފައިބަރވެސް އެކުލެވެއެވެ.

ލޮނުމެދަކީ ހިތަށާއި، ސިކުނޑިއަށާއި އަދި އެހެނިހެން ގުނަވަންތަކަށް ފައިދާހުރި އެއްޗެކެވެ. މިއީ ލޭގެ ޕްރެޝަރާއި، ކޮލެސްޓްރޯލާއި އަދި ބަރު މަޢުދަނުގެ ވިހަވެރިކަން ފަދަ ނުރައްކާތެރި ކަންކަން މަދުކޮށްދޭ އެއްޗެކެވެ. އަދި މީގައި އެންޓިއޮކްސިޑެންޓްތަކާއި ކާނާގެ ބާވަތްތައް ގިނައިން ހުރުމާއެކު، ހަށިގަނޑުގެ ދިފާޢީ ނިޒާމު ވަރުގަދަކޮށްދީ އަންހެނުންނާއި ފިރިހެނުންގެ ޖިންސީ ދުޅަހެޔޮކަން ރަނގަޅުކޮށްދެއެވެ.

Advertisement

ލޮނުމެދު ކެއުމުން ލިބޭ ފައިދާތަކުގެ ތެރޭގައި ކެންސަރު، ހިތުގެ ބަލިތައް، އަދި އެހެނިހެން ބަލިތަކުން ރައްކާތެރިވުމުގެ އިތުރުން، ލޮނުމެދަކީ އަންހެނުންގެ ފަރުޖުގެ ދުޅަ ހޮޔޮކަން އިތުރުކޮށްދީ ފިރިހެނުންގެ ހަކަތަ އިތުރުކުރުމަށްވެސް އެހީތެރިވެދޭ އެއްޗެކެވެ.

ސައިންސްވެރިންގެ ދިރާސާތަކުން ދައްކާގޮތުގައި ލޮނުމެދު ކެއުމުން ވަރަށް ގިނަ ފައިދާތަކެއް އަންހެނުންނަށާއި ފިރިހެނުންނަށް ކުރެއެވެ. އޭގެ ތެރޭގައި:

ފިރިހެނުންގެ ޖިންސީ އިޙްސާސްތައް އިތުރުކުރުމަށް ލޮނުމެދު އެހީތެރިވެދެއެވެ. އެގޮތުން ލޮނުމެދަކީ ފިރިހެނުންގެ ޖިންސީ ގުނަވަނުގެ މައްސަލަ ނުވަތަ ނުކުޅެދުންތެރިކަން ހުންނަ މީހުންނަށް ވަރަށް ފައިދާހުރި އެއްޗެކެވެ. ލޮނުމެދު ކެއުމުން ޖިންސީ ބަލިކަށިކަމަށް ފަރުވާކުރެވެއެވެ. ސަބަބަކީ އެއިން ޖިންސީ އިޙްސާސްތައް އިތުރުވާތީއެވެ. ސައިންސްވެރިން ބުނާގޮތުގައި ފިރިހެނުންގެ ޖިންސީ ގުނަވަން (ޒަކަރު) ތެދުވުމަށް ނައިޓްރިކް އޮކްސައިޑް ސިންތޭސް ކިޔާ އެންޒައިމެއް އެކްޓިވޭޓްވާން ޖެހެއެވެ. ލޮނުމެދުގައި ހުންނަ ބައެއް މާއްދާތަކުން މި އެންޒައިމް އުފެއްދުމަށް އެހީތެރިވެދެއެވެ. އަދި މިކަމުގެ ސަބަބުން ޖިންސީ ގުނަވަން ތެދުވެފައި ހުންނަ ވަގުތު އިތުރުވެއެވެ. އެހެންވެ ލޮނުމެދަކީ ފިރިހެނުންގެ ޖިންސީ ދުޅަހެޔޮކަމަށް މުހިންމު އެއްޗެކެވެ.

ފިރިހެނުންގެ އިތުރުން އަންހެނުންނަށް ލޮނުމެދަކީ ވަރަށް ރަނގަޅު ޚިޔާރެކެވެ. ޚާއްޞަކޮށް ފަރުޖުގެ ދުޅަހެޔޮކަން އިތުރުކުރުމަށް ބަލާއިރުއެވެ. މީގެ ފައިދާތަކުގެ ތެރޭގައި ފަރުޖުގެ ޕީއެޗް ލެވެލް ބެލެންސްކޮށްދިނުމާއި، ބެކްޓީރިއަލް ވެޖައިނޯސިސް އަދި ފަންގަލް ފަދަ އިންފެކްޝަންތަކާ ދެކޮޅަށް ހަނގުރާމަކުރުން ހިމެނެއެވެ. އަދި އާންމު ޖިންސީ މައްސަލަތަކާ ގުޅިފައިވާ ދުޅަވުން ކުޑަކޮށްދީ އަންހެނުންގެ ޖިންސީ އެދުންވެރިކަން އިތުރު ކޮށްދެއެވެ. މީގައި އެންޓިމައިކްރޯބިއަލް އަދި އެންޓި-ބެކްޓީރިއަލް ސިފަތައް ހުރުމުން ގިނަ ބާވަތްތަކުގެ ބެކްޓީރިއާތަކާ ދެކޮޅަށް ހަނގުރާމަކުރެވޭ އިރު އަންހެނުންގެ ހަށިގަނޑުގެ ދިފާޢީ ނިޒާމު ވަރުގަދަކޮއްދެއެވެ.

އިސްލާމްދީނުގައި ޞިއްޙަތަށް ފައިދާހުރި ކާނާ ކެއުމާއި، ދެމަފިރިންގެ މެދުގައި ލޯބީގެ ގުޅުން ބަދަހިކޮށް ދެމެހެއްޓުމަކީ ވަރަށް މުހިންމު ދެކަމެވެ. މިދެކަމަށް ސަމާލުކަން ދިނުމަކީ އާއިލާގެ އުފާވެރިކަމާއި ދުޅަހެޔޮކަން އިތުރުކޮށްދޭނެ ކަމެކެވެ.