ދިވެހިރާއްޖޭގައި ވަޒީފާ އަދާކުރާ ބިދޭސީންނާއި ގުޅޭ ފީތައް ނުދައްކާ ކުންފުނިތަކުގެ ލިސްޓް އާއްމު ކުރި އިރު އެލިސްޓުގައި ގަވާއިދުން ފީ ދައްކަމުންދާ ކުންފުނިތައް ހިމެނިފައިވާކަމަށް ހޯމް މިނިސްޓްރީން ބުނެފި އެވެ.

ހޯމް މިނިސްޓްރީން އާއްމު ކުރި އިއުލާނެއްގައި ބުނެފައި ވަނީ 24 ޖުލައި ގައި ބިދޭސީންނާއި ގުޅިގެން ދައްކަން ޖެހޭ ފައިސާ ނުދައްކާ ކުންފުނިތަކުގެ ލިސްޓު އާއްމު ކުރިއިރު އެލިސްޓުގައި މިކުންފުނިތައް ހިމެނިފައި ވަނީ އެވަގުތު އެކުންފުނިތަކުން ދައުލަތަށް  ދައްކަން ޖެހޭ ފީގެ އަދަދު އެއްލައްކަ ރުފިޔާއަށް ވުރެއް މަތި ވުމުގެ ސަބަބުން ކަމަށެވެ.

މިއިއުލާނާއި އެކު އެ 20 ކުންފުނީގެ ނަން ހާމަކުރުމަށްފަހު ހޯމް މިނިސްޓްރީން ބުނެފައި ވަނީ އެ 20 ކުންފުންޏަކީ އެކްސްޕެޓް ސިސްޓަމް މެދުވެރިކޮށް ފޯރުކޮށްދޭ ހިދުމަތްތަކުގެ ފީތަކާއި ގުޅިގެން ދައްކަން ޖެހޭ ފީތައް ގަވާއިދުން ދައުލަތަށް ދައްކާ އަދި މިއަދާއި ހަމައަށް ވެސް ދައުލަތަށް ދައްކަން ޖެހޭކަމަށް ކަނޑައެޅިފައިވާ އަދަދަށް ފައިސާ ދައްކާފައިވާ ކުންފުނިތައް ކަމަށެވެ.

އެ ކުންފުނިތަކަކީ: 

އެލިއާ ކޮންސްޓްރަކްޝަން

އަންގިރި ރިސޯޓްސް

ބްރެނިއާ މޯލްޑިވްސް

ޗިކާނޯ އިންވެސްޓްމަންޓްސް

އީސްޓް ކޯސްޓް އިންވެސްޓްމަންޓް

ގޭޖް

ހެވީ ފޯސް

އިންޓަނޭޝަނަލް ބެވަރޭޖަސް ކޮމްޕެނީ

މެހޮގެނީ ޕްރައިވެޓް ލިމިޓެޑް

ޕެސްޓެކްސް މޯލްޑިވްސް

ޕްރިސްޓީން އައިލެންޑް އިންވެސްޓްމަންޓް

ރެޑްވޭވް

ރެނާޓަސް

ސީގަލް ގްރޫޕް

އެސްކޭ މޯލްޑިވްސް

ޔުނިވާސަލް އެންޓަޕްރައިޒެސް

ވިލާ ހަކަތަ އަދި ވިލާ ޝިޕިން